Славчо Попоски, метеоролог: „Неделава ќе биде постудено, најмногу сонце во четврток и петок“

Детали

вторник, 13 февруари 2024

Малку пониски температури, слаби врнежи од дожд, но и повремено засилен ветер – какво време не очекува до крајот на неделата?

По невообичаено топлата недела, деновиве температурите ќе бидат малку пониски, но сепак нема да биде многу студено како што е во овој период од годината. Како минатата, и неделава ќе имаме неколку сончеви денови.

Во продолжение, прогнозата на Славчо Попоски за следниве неколку денови:

„Оваа седмица во Македонија ни носи повеќе облачност, но и нешто пониски температури на воздухот за разлика од минатата. Сепак сè уште сме далеку од онаа вистинска зима и температури како што доликуваат за овој период од годината.

Повремено ќе има и локални слаби врнежи од дожд, а на планините над 1400-1500 метри надморска височина ќе провејува снег. Повремено снежната граница би можела да се спушти и на планините и под 1.400 метри надморска височина.

Најмногу сонце оваа седмица ќе имаме во четврток и во петок.

Од денес ќе започне да дува и повремено засилен ветер од северен правец, најизразен долж Повардарието (повремено со брзина до околу 60 км/час).

Во Скопје исто така ќе има услови за локален краткотраен и слаб дожд, а ќе дува и повремено засилен ветер од северен правец.

Што се однесува до температурите, утринските особено од среда на повеќе места ќе се спуштаат под нулата и тие ќе се спуштаат во интервалот од -5 до 0 степени, а максималните дневни ќе се искачуваат во интервалот од 6 до 14 степени“.

Спирова С. | Црнобело

фото: Фејсбук; freepik.com