Златко Јовановски креираше корсет за најголемата мексиканска ѕвезда Талија, инспириран од Мадона
- Детали
- петок, 15 декември 2023
Најголемата мексиканска ѕвезда Талија, која се прослави со улогата на Росалинда, вторпат носеше креација од македонскиот дизајнер Златко Јовановски, а фотките ги сподели на Инстаграм.
Македонскиот дизајнер Златко Јовановски, познат како ЈЗЈ, повторно креираше корсет за најпознатата мексиканска актерка и пејачка, Талија.
За популарната Мексиканка, која се прослави со улогата на Росалинда во истоимената серија, овој пат Златко креираше корсет во златна боја, инспириран од поп-кралицата Мадона.
Талија корсетот и го носеше на концерт на Мадона.
Таа покажа дека е толку голем фан на пејачката, што целосно се трансформираше во неа, па стави и кратка руса перика, како во времето кога Мадона беше актуелна со албумот Like a Virgin.
Токму тоа Талија и го напиша на фотките што ги објави на својот Инстаграм – Like a Virgin, а објави и видео од тоа како одел процесот на трансформација.
Ѕвездата на фотографиите го означи и брендот на Златко, „JZJ couture“, а македонскиот дизајнер и сега не го криеше воодушевувањето што латино ѕвездата е во негова креација.
„Драги мои, Талија повторно носи моја креација“, напиша тој на Инстаграм Стори.
Талија првпат облече креација од Јовановски во август 2023, и тоа беше розов корсет со голем рачно везен крст и круна, а дизајнот беше инспириран од нејзина стара креација.
„Креацијата на Талија е направена специјално за неа. Нејзиниот стилист дошол до моите креации и до моето име, па тој ме контактираше за соработка.
Ми кажа дека креацијата мора да биде инспирирана од парчиња што таа веќе ги носела, а јас им испратив три скици“, рече тогаш дизајнерот за CRNOBELO.com.
Погледнете го видеото:
Прочитајте и Златко Јовановски креираше за најголемата мексиканска ѕвезда Талија: „Како дете ја гледав Росалинда, денес контактирам со неа“
А. Ј. | Црнобело
Би можело да ве интересира:
Препорачуваме
Најчитани неделава
