Ретки фотки од Гоце Тодоровски со семејството - Прослави 49 години брак, синот е негова копија

Детали

четврток, 16 ноември 2023

„Нашата актерска легенда, Гоце Тодоровски, деновиве одбележа 49 години брак со својата сопруга. Како плод на љубовта се родија две деца, ќерката Сашенка и синот Гоце“, пишува на Фејсбук објава посветена на актерот.

Фото: Фејсбук

Актерот Гоце Тодоровски, еден од доајените на македонското глумиште, ретко објавува семејни фотографии и во јавноста не зборува за приватниот живот.

Токму затоа, многумина беа изненадени кога на фан страницата на Фејсбук „Ѓорѓи Колозов“ беа објавени неколку фотки на кои познатиот актер е со своите син и ќерка, а поводот е неговата годишнина од брак со сопругата.

„Нашата актерска легенда, Гоце Тодоровски, деновиве одбележа 49 години брак со својата сопруга.

По тој повод семејството Тодоровски се собра во својот дом и го прослави тој голем ден крунисан со цели 49 години заеднички живот помеѓу Гоце и неговата животна сопатничка.

Како плод на љубовта со неговата сопруга родија две деца, а на фотографиите ги гледате ќерката Сашенка Тодоровска и синот Гоце, крстен по својот татко Гоце Тодоровски“, стои во описот на фотографиите.

Тодоровски има богата актерска кариера, а најпознат е по улогите во „Македонски народни приказни“ и „Солунски патрдии“. Роден е на 6 јули 1951 година во Кичево.

А. Ј. | Црнобело / Фото: Фејсбук