„Дама се раѓа, браво девојко“ – Нашата Барбара Поповиќ го воодушеви регионот со настап во српско музичко шоу

Детали

понеделник, 06 ноември 2023

„Е, ова е пример како треба да изгледа и звучи пејачка. Значи можело да изгледа светски, а да е наше. Продолжи да газиш“, велат фановите на Барбара Поповиќ по нејзиниот одличен настап во шоуто IDJ Show, каде што пееше песна од Роберт Билбилов.

Македонската пејачка Барбара Поповиќ (22) „растури“ во српското музичко шоу „IDJ Show“ со песната „Чудни места“ со која Роберт Билбилов победи на „Макфест“ во 2019 година. Таа песната ја испеа со многу емоции и ги крена сите на нозе.

„Горда сум што сум Македонка“, напиша Барбара на Инстаграм.

Барбара од самиот почеток важи за најмоќниот вокал и морален победник на шоуто, а тоа го покажа и овој пат.

Освен со пеењето, таа воодушеви и со изгледот, со долгиот црвен впечатлив фустан.

„Е, ова е пример како треба да изгледа и звучи пејачка. Значи можело да изгледа светски, а да е наше. Продолжи да газиш“.

„Овие млади и талентирани луѓе треба да напредуваат од емисија во емисија, да учат и созреваат и да го вежбаат гласот. Но, тоа што не може да се научи е да се биде дама. Така се раѓаш. Браво девојко!“, се дел од коментарите.

Во жирито на популарното шоу се композиторот Дарко Димитров и српските пејачи Реља Поповиќ и Наташа Беквалац.

Својот настап Барбара го сподели на Инстаграм, а го пофалија и многу музичари, меѓу кои Тамара Тодевска, Антониа Гиговска, Ања Ветерова и други.

Погледнете го видеото:

А. Ј. | Црнобело