Кај нас летаа кровови, во Италија тече замрзната „река“ по улиците – По топлотниот бран, невреме во повеќе европски држави (видео)

Детали

понеделник, 24 јули 2023

Кај нас од силниот ветер летаа кровови, улиците и подвозниците беа поплавени, а на фотографиите од читателите на CRNOBELO.com може да се види дека во главниот град имало врнежи од град со големина како орев. Во Италија, два дена претходно беше снимена досега невидена глетка, кога низ улиците на гратчето Серењо течеше „река“ со големи парчиња мраз.

Во текот на вчерашниот ден (23.07) Скопје беше погоден од силно невреме, при што се причинети поголем број материјални штети.

Непроодни подвозници, откорнати дрвја, оштетени бандери и семафори, оштетен приватен имот е епилогот од невремето, а многумина пријавуваат големи материјални штети како последица на силниот ветер и врнежите од град и дожд што го зафатија подрачјето на Скопје.

Невреме во Скопје

По топлотниот бран, повеќе држави на европскиот континент се соочуваат со невреме.

Невреме во Скопје

Пред само неколку дена, силно невреме ги зафати Словенија, Хрватска и Србија, а се чини дека само неколку дена откако имавме можност да видиме како одненадеж силниот ветер донесе силна бура во Загреб, истото се случи и во Скопје.

Невреме во Скопје

Од дел од фотките што читателите на CRNOBELO.com ги испратија до нашата редакција може да се види дека во Скопје паѓаа замрзнати топки мраз со големина на орев, а во Италија во гратчето Серењо, во близина на Милано два дена претходно (21.07) беше снимена досега невидена глетка.

Невреме во Скопје

На Твитер се споделува видео на кое се гледа дека низ поплавените улици течат реки исполнети со големи парчиња мраз, кои се формирале по силните врнежи од дожд и град.

#Seregno pic.twitter.com/UObIM00DGM

— Il Quader (@_marcoquadri) July 21, 2023

За потсетување, Италија беше меѓу земјите што се најпогодени од топлотниот бран што го зафати европскиот континент, а во Сицилија температурите се искачија до 45 степени Целзиусови.

Б. С. Б. | Црнобело