Македонскиот рапер Таско стана татко – со сопругата му дадоа уникатно име на синот

Детали

четврток, 22 јуни 2023

„Фала ти Господе за овој прекрасен благослов“, напиша Таско и откри дека станал татко.

Познатиот македонски хип-хоп музичар Христијан Тасковски - Таско стана татко. Неговата сопруга Наташа го роди синот, на кого му дадоа необично име, Лукијан.

„Фала ти Господе за овој прекрасен благослов“, напиша тој на 22.06 и на Инстаграм Стори го откри името на бебето.

Името Лукијан потекнува од латинскиот збор lux, а означува светлина, осносно, „оној што свети, осветлува“.

Таско и Наташа се во брак од 2022 година, а во мај годинава се венчаа во црква и направија свадба со многу гости. 

Тие претходно имаа и забава за откривање на полот на бебето, кога споделија дека чекаат син.

Прочитајте и Таско и сопругата со трудничка фотосесија пред раѓањето на бебето: „Авантурата почнува наскоро“

A. J. | Црнобело