Македонка прикажува како да направите совршени декоративни велигденски јајца со лакови за нокти (видео)

Детали

сабота, 08 април 2023

Со помош на лакови за нокти, сад со вода и чепкалка за заби ќе направите прекрасно декорирани велигденски јајца. Софија Јанева сними видео упатство чекор по чекор и нагласува дека овие јајца не се за јадење.

Софија Јанева е нашата инфлуенсерка со повеќе од 30.000 следбеници, која со задоволство споделува искуства од своите патувања, но и детали од своето секојдневие.

Овојпат таа сними видео на кое го прикажува процесот како бојадисува совршени велигденски јајца, кои се само за декорација и не се за јадење.

Софија вели: „Погледнете колку креативни може да бидете за Велигден. Овие јајца иако не се јадат, се одлична декорација на секоја велигденска трпеза...“

Потребни ви се: Јајца, лакови за нокти, ракавици, чепкалка за заби

Чекор 1: Ги варите јајцата.

Чекор 2: Во сад со вода истурате по мала количина од лакот за нокти. Процесот го повторувате со различни бои.

Чекор 3: Со чепкалка за заби направете дизајн по ваш избор.

Чекор 4: Полека потопете го јајцето под агол од 90 степени.

Повторете ги чекорите за останатите јајца.

Погледнете ги сите чекори:

С. С. | Црнобело