Првите велигденски јајца на македонските познати личности - 3 црвени за здравје и среќа (фото)

Детали

четврток, 02 мај 2024

Од Снеже Велков и Викторија Лоба, до Џокси и Стефан Спирковски - неколку личности од нашиот јавен живот на Инстаграм ги покажаа првите велигденски јајца.

Македонските познати личности и оваа година се покажаа како вистински домаќини. Станаа пред изгрејсонце за да го испочитуваат адетот, па откако ги бојадисаа јајцата, кои се за здравје и среќа, објавија и фотки на Инстаграм.

Највредни годинава беа водителките - Снеже Велков, Марјана Станојковска и Анита Даева меѓу првите објавија фотографии и покажаа како им излегле велигденските јајца.

Снеже и Марјана вапсале по 3 црвени, а Анита, освен првото црвено, вапсала и триесетина јајца во различни бои

Викторија Лоба на Инстаграм Стори објави видео како го вапсува првото јајце, а и Џина Папас Џокси, сподели фотографија од првите три црвени јајца.

Меѓу оние кои споделија фотки на Инстаграм беа и инфлуенсерките Александра Шијакоска и Ксенија Деспотоска, но и моделот и инфлуенсер Стефан Спирковски и готвачот Бранко Поповски, на Инстаграм познат како @cookingwithbranko.

Погледнете дел од првите велигденски јајца на нашите јавни личности:

А. Ј. | Црнобело