Нихан од „Карасевда“ и 11 години постариот сопруг се најубавиот пар во Турција + дали навистина наскоро ќе станат родители?

Детали

среда, 01 јуни 2022

Заедно глумат во турските серии, а не се срамат да покажат дека силно се вљубени еден во друг преку објавите на Инстаграм. Неслихан Атаѓул и Кадир Доуглу се заедно шест години, а неодамна открија дали навистина ќе станат родители наскоро.

Турската актерка Неслихан Атаѓул (29) на македонската публика ѝ стана позната по улогата на Нихан во серијата „Карасевда“. Таа во моментов е во брак со турскиот актер Кадир Доуглу (40) од 2016-та година, а важат за еден од најусогласените турски парови и покрај 11-те години разлика во годините.

Кадир, кој на македонската публика ѝ е познат по улогата на Алпер во серијата „Дозволи ми да те сакам“, неодамна го прослави 40-иот роденден, а неговата сопруга објави повеќе заеднички фотографии на Инстаграм до кои напиша:

„Среќен роденден љубов моја. Ти си празник секој ден! Те сакам".

Возбуден и очигледно изненаден, Кадир ѝ возврати со зборовите:

„Денес дефинитивно ќе ме расплачеш...“

Објавите на парот предизвикаа големо внимание кај нивните следбеници, а беа проследени и со последователни честитки од обожавателите на двајцата.

Актерите честопати досега биле застапени во турските медиуми, каде честопати се шпекулира за тоа дека наскоро ќе станат родители.

Во текот на едно интервју месецов, познатата двојка ја негираше оваа вест, која ја нарекоа „дезинформација“. Кадир изјави дека по повод неговиот роденден тие одлучиле да разбудат една од нивните заеднички пасии, а тоа е патувањето.

„Планираме да одиме во Јужна Америка. Има многу луѓе таму кои нè сакаат. Всушност, има многу кои го научиле нашиот јазик благодарение на ТВ сериите“, рече Догулу.

За шпекулациите за бременоста на актерката, Атаѓул категорично рече:

„Не грижете се. Со задоволство ќе ве известиме кога ќе се случи тоа.”

Погледнете повеќе нивни фотографии во продолжение:

Б. С. Б. | Црнобело