Стјепан Хаусер ја свири „Јовано Јованке“ на своето виолончело - аплаузи од Македонија (видео)

Детали

четврток, 03 април 2025

Со македонското знаме во позадина, познатиот хрватски виолончелист ја свири нашата „Јовано, Јованке“, како дел од неговиот нов светски музички проект.

Хрватскиот виолончелист со светска слава, Стјепан Хаусер, на својот Инстаграм ја почна кампањата „Музиката го обединува светот“.

Неговата идеја е секој ден да објавува по едно видео со песна од различна држава, а потоа да објави кои 5 видеа имаат најголема гледаност и коментари, односно кои се топ 5 држави според неговите следбеници.

Првата песна која ја објави е од Мексико, и тоа популарната La Bamba, по што следуваше Zorba’s Dance од Грција.

Стјепан отсвире и неколку песни од регионот, вклучувајќи ги и Cesarica од Оливер Драгојевиќ како претставник на Хрватска и Tamo Daleko за Србија.

Последната песна во низата е „Јовано, Јованке“, која е неговиот избор за Македонија.

Виолончелистот ги воодушеви своите фанови со изведбата на песната, па многумина ја споделија на Инстаграм Стори, со аплауз за Хаусер.

Кликнете на видеото и слушнете како звучи „Јовано, Јованке“ во негова изведба:

Уште неколку видеа од проектот на Хаусер:

А. Ј. | Црнобелo