Милје, машина за шиење: Kуќата на една бабичка (83) од Србија ќе ви врати спомени

Детали

понеделник, 28 октомври 2024

„Мојата баба е жена која има 83 години и иако не се школувала доволно, таа е интелигентна и писмена жена...“, ја започнува Ана Васиљевиќ приказната за баба си.

Српската инфлуенсерка Ана Васиљевиќ на својот Инстаграм профил објави видео прошетка низ домот на нејзината баба.

Целиот ентериер ќе ве врати во едно минато, поедноставно и поубаво време.

Таа ја покажа и косата што баба ѝ си ја чува од 1971 година, кога била во 30-тите години. Ана и баба ѝ одлучиле да ја подарат косата за правење на перика за некое детенце, онколошки пациент.

Во видеото од домот на баба ѝ, Ана вели:

„Мојата баба е жена која има 83 години и е жена која се приспособила на секое време. Од селско дете станала градско и иако не се школувала доволно, таа е интелигентна и писмена жена.

Работела во позната фирма во нејзино време и од ‘кафекуварка’ станала шнајдерка.

И нема нешто што таа жена не знаела да сошие.

За жал, на 30 години останува вдовица и сфаќа дека низ животот мора да се бори сама со своите две деца.

Успеала да ја заврши семејната куќа која ја започнала со дедо ми и да ги образува двете деца. И ова е само дел од приказната од нејзиниот тежок живот.

Јас многу ги сакам нејзините старински работи како стара машина за шиење и мебел.

Таа сè сама чисти и одржува на 83 години. Навистина е многу уредна жена и кога некаде оди дотерана е од глава до пети.

А двоглед не прашувајте ме зошто има, мислам дека на сите им е јасно, дека тоа е природна улична камера“.

Видео прошетка:

Погледнете го и видеото каде бабата на Ана зборува за нејзината коса:

С. С. | Црнобело