Се преполови поради болеста, сакал да биде фудбалер: Животот на еден од најбогатите луѓе на Балканот, Саша Поповиќ

Детали

понеделник, 09 декември 2024

Кога пред неколку месеци Саша Поповиќ дозна дека има сериозен здравствен проблем, ги напушти „Ѕвездите на Гранд“ и замина на лекување во Париз. Тој не открива од што е болен, но по едно од ретките излегувања ја загрижи јавноста - драстично ослабен, еден од најбогатите, но и најомилени луѓе во регионот, не личи на себе.

Саша Поповиќ е еден од најбогатите, но и еден од најмоќните луѓе во српската музичка индустрија, па и на Балканот.

Некогашниот хармоникаш на „Слатки грех“, бендот кој долги години ја придружуваше Лепа Брена, се стекна со овој статус откако, заедно со пејачката, ја отвори „Гранд продукција“.

Неговото име скоро и да не се врзува со скандали, и покрај огромното богатство, но и статусот што го поседува.

Саша работел напорно за да стигне до позицијата на која се наоѓа, а во тоа има огромна поддршка од сопругата Сузана, но и од нивните две деца, ќерката Александра и посинокот Даниел.

Иако последниве месеци е преполовен, па ретко се појавува во јавноста и на телевизија поради болеста која сериозно му го наруши здравјето и поради која беше на лекување во Париз, Поповиќ и понатаму е еден од омилените ликови во Србија.

Секогаш насмеан, расположен, со по малку чуден смисол за хумор, Саша знаеше како да направи вистинско шоу во „Ѕвездите на Гранд“, да ги натера членовите на жирито да се потскараат меѓу себе, но и ги носеше најтешките одлуки, па затоа многумина го чекаат неговото враќање.

Што знаеме за Саша Поповиќ, некогашниот хармоникаш и поранешен прв човек на „Гранд продукција“?

Роден е во 1954 година во Нови Сад, каде што живеел во 1996-та, а потоа се преселил во Белград.

Вистинското име му е Александар, но сите го знаат како Саша.

Неговиот дедо бил свештено лице, па со родителите и постарата сестра, живееле во парохиски дом, веднаш до црквата во која дедо му служел 30 години.

Постои приказна дека неговиот дедо ги венчал Алберт Ајнштајн и неговата сопруга Милева, бидејќи токму тој бил главниот свештеник во црквата, во времето кога тие се заколнале пред Бога на љубов и вечна верност.

Како дете обожавал да игра фудбал и со часови ја шутирал топката на игралиштето покрај нивната куќа.

Татко му првпат го одвел на фудбалски натпревар кога Саша имал 8 години и оттогаш овој спорт му станал главна преокупација.

Тренирал за клубот „Војводина“ и мислел дека фудбалот ќе му е професија.

Но, татко му не сакал синот да му биде фудбалер, па му купил хармоника, со надеж дека ќе го насочи кон музиката.

Саша се заљубил во инструментот, запишал нижо музичко училиште и на 17 години веќе имал свој оркестар со кој настапувал на разни веселби.

Родителите му помогнале финансиски да го основа оркестарот „Лира шоу“, со кој доживеал голема популарност и имал настапи ширум Србија.

Сепак, пресвртница во кариерата доживеал кога најпознатиот југословенски шоумен, Милован Илиќ Минимакс, на шега пуштил снимка од еден нивни настап во својата емисија „Претежно ведро“.

Тогаш Брена го добила прекарот „Лепа“, а „Лира шоу“ го сменил името во „Слатки грех“.

Саша освен што свирел во бендот, истовремено и компонирал, па меѓу оние за кои пишувал песни била и Сузана Јовановиќ.

Младата пејачка и Саша се запознале во 1996 година, се допаднале, почнале да се гледаат и љубовта станала толку силна, што се венчале.

Сузана веќе имала еден брак зад себе и синот Даниел, кого Саша го прифатил како свое дете и за кого вели дека му е син.

Парот ја има ќерката Александра (25), која важи за скромна девојка.

Таа не сака да се експонира во јавноста, има свој салон за нокти и изработува накит.

Саша, пак, во 1998 година, со Лепа Брена ја основа „Гранд продукција“ и на 3 декември истата година, на ТВ Пинк е емитувано првото „Гранд шоу“.

Голем дел од парите, Саша ги вложи во градежен бизнис и гради згради во елитните белградски населби. 

Пред неколку години тој и Брена ја продадоа продукцијата, но и покрај тоа, Саша остана да биде прв човек на „Ѕвездите на Гранд“.

Неодамна, сепак, се повлече и од таа функција, откако му беше дијагностицирана болест поради која замина на лекување во Париз.

Тој, не откри од што боледува, иако во медиумите се шпекулираше дека станува збор за рак или срцево заболување.

Најголемото богатство го стекна токму преку продажбата на продукцијата, а голем дел од парите ги вложи во градежен бизнис и гради згради во елитните белградски населби. 

Погледнете повеќе фотки ТУКА.

А. Ј. | Црнобело