Откорнати дрвја во Солун, поплавени улици на Родос – Страшни последици од силната бура во Грција (фото+видео)

Детали

понеделник, 02 декември 2024

Покрај островот Родос кој е меѓу најпогодените, бурата Бора предизвикала штета и во посеверните делови на земјата, вклучувајќи го и Солун. Според грчките медиуми, има и две жртви на островот Лемнос.

Викендов делови од Грција беа погодени од бурата Бора која на многу места предизвика поплави од кои има и загинати.

Островот Родос е еден од најпогодените, но штета има и во северните делови на земјата, односно Халкидики, па и Солун.

Според грчките медиуми, двете жртви се од островот Лемнос, на возраст од 57 и 70 години.

На островот Родос, многу возила останале заробени на поплавените патишта, додека надлежните дале предупредување да се одложи секакво патување.

На северниот дел од земјата, бурата предизвикала и врнежи од снег.

Областа околу Солун се соочила со обилни врнежи од дожд, а силните ветришта откорнале дрвја и предизвикале значителна материјална штета.

Според експертите, бурата се очекува да продолжи и денес (02.12), најмногу во централниот и северниот дел на Грција.

На социјалните мрежи веќе се споделуваат фотографии и видеа од бурата.

На Инстаграм профилот Nikana.gr има компилација видеа на кои се гледаат огромните бранови во Калитеа, Пефкохори, Сивири и други делови на Халкидики.

На друго видеo, се гледа дека и нa Сарти има силни ветришта кои предизвикуваат големи бранови.

Повеќе фотографии и видеа во продолжение:

Продолжува на следната страница...