Вирално видео: Никој не го препозна Ноле - маскиран во комунален работник со брада, се шета низ Тиват

Детали

сабота, 24 август 2024

Додека Новак Ѓоковиќ маскиран во комунален работник се шета низ Тиват, минувачите зачудено гледаат во мажот кој личи на бездомник...

Новак Ѓоковиќ, покажа дека со причина го носи прекарот Џокер поради својата специфична смисла за хумор.

Овој пат, тој прифати да се прошета по шеталиштето во Тиват преоблечен како комунален работник, со запуштена брада и мустаќи и маска на лицето, со канта од боја во рацете, додека телевизиска екипа го снима.

Токму поради ова минувачите беа зачудени кој е мажот кој привлекува толкаво внимание, што дури го следат неколку камермани.

Видеото стана вирално и се споделува на социјалните мрежи, со коментар дека Ноле е вистински цар.

„Морам да се одморам. Момче, дојди малку, земи го микрофонот“, вели маскираниот Новак и седнува на клупа.

„Леле, кутар јас“, си зборува сам со себе, а потоа се врти кај некој од минувачите и го прашува: „Добар ли си?“ и му крева рака да го поздрави.

Но поради маската, никој сè уште не знае дека тоа е славниот тенисер.

Потоа, Новак ја зема кантата што ја носи во раката, и станува.

„Ајде уште едно прашање и не можам веќе, мора да одам“, вели тој и почнува да се движи по шеталиштето во Тиват.

Луѓето во негова близина гледаат зачудено во маскираниот маж кого го следат камерите.

Но, во моментот кога Новак почнува да ја вади маската и во раката зема тениски рекет, настанува општо воодушевување.

Нему му приоѓаат дечиња со рекети и тој почнува да игра тенис со нив, а луѓето во нивна близина го поздравуваат со овации и го снимаат.

Погледнете го видеото:

А. Ј. | Црнобело