Колку ќе ве чинат патарините до различни дестинации во Грција по поскапувањето?

Детали

понеделник, 29 април 2024

Според новиот ценовник, првата патарина по граничниот премин Евзони е поголема за 60 центи, односно од 1.80 се качи на 2.40 евра. Колку чинат другите патарини низ Грција?

Македонците веќе ја отворија сезоната во Грција, па секој викенд и убавото време ги користат за посета на Солун, Халкидики и околните места.

За да стигнете до граничниот премин Богородица кај Гевгелија, од Скопје ќе треба да платите 360 денари за патарини во еден правец, односно 720 денари во двата правца.

Но, од годинава, ќе плаќате повеќе за патарините во Грција, откако нашиот сосед ги покачи цените на патарините.

Колку ќе треба да платите за да стигнете до некоја од омилените грчки дестинации?

Според новиот ценовник, првата патарина по граничниот премин Евзони е поголема за 60 центи, односно од 1.80 се качи на 2.40 евра.

Патарината пред влезот на Солун е зголемена за 0.05 центи, па сега изнесува 0.55 евра.

Ако патувате преку Солун до Атина со автомобил, сега ќе платите 2.20 евра повеќе и тоа и ќе чини 33,55 евра.

Ако тргнете кон Јонското крајбрежје и Лефкада, ќе треба да платите вкупно 16.90 евра за патарина.

Оние кои годинава ќе одлучат да летуваат во Сивота - Парга - Врахос - Превеза ќе платат вкупно 13.25 евра патарина во Грција.

Доколку летувате во Солунскиот регион, односно во Ставрос, Аспровалта, Врасна, од оваа година ќе имате четири наплатни пунктови од влезот во Грција, а вкупната цена на патарините до Аспровалта ќе биде 7.45 евра.

Ако тргнете кон Кавала и Тасос, по пат ќе поминете преку пет наплатни пунктови, а вкупната цена на патарините во Грција преку Евзони до Тасос оваа година е 8.55 евра.

Во продолжение погледнете листа на некои од патарините низ Грција и новите цени:

Tyras - 2.70e
Pamvotidas -1.55e
Malakasioy - 1.90е
Siatistas - 1.90е
Polymyloy - 1.90е
Мalgaron - 0.90е
Thessalonikis - 0.55е
Analipsis - 2.35е
Аsprovaltas - 1.10е
Moysthenis - 2.15е
Kavalas - 1.85е
Iasmoy - 1.80е
Mestis - 2.20е
Ardanioy - 1.60е
Ieropigis - 1.85е
Eyzonon - 2.40е
Strymonikoy - 1.90е
Promahona - 1,90е

Колку ќе ве чини патарината од посакуваната дестинација можете да пресметате и со калкулаторот на патарини, кој ќе го најдете ТУКА.

А. Ј. | Црнобело