Пејачката Мина Костиќ ги сподели првите впечатоци од филмот за Џеј: „Боли кога гледате како постојано го тепаат“
- Детали
- четврток, 18 јануари 2024
„Приказната на Џеј не може да се спореди со онаа на Тома“ – вели пејачката Мина Костиќ која имаше можност да ја погледне премиерата на филмот Nedelja, кој ја следи животната приказна на познатиот српски пејач Џеј Рамадановски. Кои се нејзините први впечатоци?
Српската пејачка Мина Костиќ која имаше сними дует со Џеј Рамадановски беше меѓу присутните што имаа можност да ја погледнат премиерата за новиот биографски филм посветен на неговиот живот, Nedelja.
Таа, како личност што имала можност лично да го запознае пејачот и да соработува со него, даде изјава за првите впечатоци од филмот и вели дека во него речиси сè е веродостојно.
Прашана дали може да се спореди приказната на Џеј со онаа за Тома Здравковиќ, Мина вели дека нив двајца е многу тешко да ги споредите.
„Тие двајца беа боеми и имаа тажни животни приказни, но Џеј имал многу тешко детство“ – изјави Мина за Informer.rs.
Во однос на првите впечатоци од филмот, вели дека најпотресни ѝ биле сцените каде што Џеј постојано добивал ќотек.
„Секојпат добивал ќотек и тоа многу ме погоди. Денес истото се случува со дечињата во дом. Џеј постојано без причина добивал ќотек, тоа најмногу ме боли“ – вели Мина.
Таа дополни дека тешкото детство не влијаело врз него и дека кога го запознала, тој бил мошне добар и весел и дека никогаш не запознала толку среќна личност како него.
Инаку, на крај Мина вели дека била навредена заради тоа што снимателите одлучиле саундтракот за филмот да го отпее Цеца Ражнатовиќ, наместо неа.
„Џеј ме викаше ‘сестро’, што понатаму да ви кажам?“ – изјави Мина.
За потсетување, Мина и Џеј заедно ја снимија песната „Slavija“ која и денес е голем хит. Таа вели дека уште како дете била фасцинирана од него како пејач.
Прочитајте и Растел во поправни домови, внукот ја убил сестра му - Потресни факти за животот на Џеј Рамадановски
Б. С. Б. | Црнобело
Би можело да ве интересира:
Препорачуваме
Најчитани неделава
