Огњен Амиџиќ пред да потврди дека е во врска со 20 години помладата колешка: „Се надевам дека пак ќе се оженам“

Детали

среда, 12 април 2023

„Апсолутно се гледам себеси како оженет човек“ – рече Огњен Амиџиќ, непосредно пред да биде откриено дека тој е во врска со 20 години помладата колешка Мина Наумовиќ. Мина, пак, уште за Нова година имала објави на социјалните мрежи со кои навестувала дека е во врска со колегата. Како се родила љубовта меѓу Огњен Амиџиќ и неговата колешка?

Српскиот водител и актер Огњен Амиџиќ по разводот со убавата манекенка со македонско потекло Данијела Димитровска, повторно е вљубен, а веста за неговата врска со 20 години помладата колешка Мина Наумовиќ не престанува да ја интригира јавноста.

фото: YouTube - принтскрин

Самиот Огњен за српските медиуми ги потврди вестите дека е во врска со сексапилната колешка која води сегмент во неговата емисија „Амиџи шоу“, а дел од српските медиуми повикувајќи се на извори блиски до парот пишуваат како тие двајца ја започнале врската.

Според пишувањата во српски Kurir, тие двајцата се запознале преку заеднички пријатели, но на почетокот биле само познаници.

По разводот со Данијела во јули минатата година, Огњен и Мина почнале поинтензивно да се дружат, но брзо сфатиле дека меѓу нив постои нешто повеќе од пријателство.

По ова, Огњен ја поканил убавата девојка од Нови Сад да води еден сегмент во неговата емисија и таа веднаш прифатила, па од септември минатата година таа го води делот од емисијата што се вика „Пази мина“.

За Нова година, Мина објави фотографија на Инстаграм Стори, со која според многумина веќе навестила дека е во врска со водителот. Таа тогаш објави фотографија со елка на која напиша:

„Не ми треба Дедо Мраз, веќе седам во скутот на еден брадест маж и му кажувам што сакам“.

Сега откако е откриено дека таа и Огњен се заедно, дел од медиумите оваа нејзина објава ја сфатија како нејзин обид да ѝ најави на публиката дека е во врска со нејзиниот повозрасен колега, кој е препознатлив по брадата.

Српскиот водител и актер неодамна ги потврди вестите дека е во врска со убавата колешка, но рече дека нивен договор бил приватниот живот да го чуваат во тајност.

„Да, точно е. Ние сме во врска, но се договоривме нашата приватност да ја сочуваме за себеси и да не зборуваме за тоа“ – рече Огњен.

Дел од српските медиуми нѐ потсетуваат и на изјавата што Огњен ја даде по разводот со Данијела Димитровска, каде говореше за тоа каква треба да биде жената што сака да биде со него во врска, по двата неуспешни брака.

„Имам мошне високи критериуми, можеби тоа не е оправдано, но тоа е вистината. Мојата идна партнерка мора да има буквално сѐ“ – рече тој.

Огњен исто така, тогаш откри дека планира повторно да стапи во брак и дека не се откажува од љубовта.

„Апсолутно себеси се гледам како оженет човек“ – рече тој.

Погледнете уште неколку фотографии во продолжение:

Б. С. Б. | Црнобело / фото: Инстаграм