„Мора да бидам искрен и да кажам дека и после толку години и ден денес ми е драго кога ќе видам дека сè уште ја знаат мојата песна „Сакам кола убава“, ја пеат на детски родендени, што ми мами насмевка и задоволство. Оваа песна го одбележа детството на многу генерации во тоа време…“, вели Дарко Давитковски за CRNOBELO.com, кој денес е оженет татко на едно детенце и се занимава со нешто сосема друго. Тој ни раскажува како изгледа неговиот живот денес...

„Македонските мажи не знаат да играат воопшто, па дури и кога животот би им зависел од тоа, мојот сопруг е таков пример. Можеби не сите, но 90% не знаат да играат. Можеби треба да отворам школа за танци и да поканам некои кениски мажи за да им покажат некои движења, бидејќи македонските мажи играат како комарци без ритам, но без разлика на сè јас ги обожавам“, раскажува шеговито Кенијката Емакулате Вандера Блажеска (31), која од 2018 година живее во Македонија и вели дека го обожава животот тука.

„Сѐ додека една девојка може да вози камион, се разбира дека може да вози и со штикли. Жена си – можеш сѐ! За случајните минувачи жена возач на камион е чудо невидено, а колегите многу ми помагаат, иако првиот ден беа изненадени дека жена ќе вози“ - Благица Тасевска од Богданци е една од ретките жени во Македонија што руши стереотипи и работи како професионален возач на камион. Таа во интервју за CRNOBELO.com открива со какви предизвици се соочува на работното место и како успева да се справи со толку големо возило.

„Се станува околу 5 часот, следува ладен туш и почнуваме со различни јога вежби сè до 9:30 кога е време за јадење. После тоа времето го посветуваме на волонтирање сè до 17 часот кога е време за попладневна јога. Тоа завршува накај 19 часот кога е повторно време за јадење, а потоа следи волонтирање или медитација до 21:30 кога е време за спиење. Ова делува на многу монотоно секојдневие, но ретко кој го доживува на тој начин“ - за CRNOBELO.com Петар Керамитчиев раскажува за своето искуство со престојот во ашрам во Индија и неговата духовна трансформација. 

„Пинки го хранам со сено, јаболка, обожава банани, од зеленчук краставица и морков, а исто морам да кажам дека Пинки сака многу смоки, па знам еднаш во денот да му дадам награда. Многу се гали и најмногу време поминува со мене, тоа е едно нежно, мало и преслатко животно“, раскажува Деспина Кузманова (27) од Скопје за CRNOBELO.com.

„Се запознавме пред 10-тина години на шанк во „Кала“. Јас во тоа време работев таму како менаџер, а тој често доаѓаше како гостин. Една вечер сосема случајно тоа се случи, и не знам дали беше љубов на прв поглед ама знам со сигурност дека ни се случи силна хемија...“, открива Загорка Видоевска (37) од Скопје за CRNOBELO.com.

„Целта на „Селектирај отпад“ е да помогне при селектирање и собирање на селектираниот отпад од домаќинствата и да ја направи Македонија почисто и поздраво место за живот за сите нас“, вели младиот ентузијаст Марио Томов (30) oд валандовско, чија идеја била поддржана од Фондот за иновации и технолошки развој. Браво, ваква младина сакаме!

„Ќе се осмелам да кажам дека се сметам за урбан лик со префинет моден стил, во кој преовладува колоритот. Модата е присутна во целокупното мое секојдневие, секогаш ѝ приоѓам инстиктивно и никогаш не се водам по толпата, односно не ми се пресудни моменталните модни трендови“, вели Дарко Фотевски (36) од Скопје за CRNOBELO.com.

Студира, работи како веб-девелопер, креирал видео игри и 3Д филмови, а во слободно време изработува роботи со вештачка интелигенција. Во интервју за CRNOBELO.com младиот Димитар Бежановски открива како почнал да се занимава со роботика и ни ги претставува основните функции на неговите два роботи „Рикардо“ и „Гравис“.

„Сопругот ми ја исполни најголемата желба. Бани е најубавиот подарок што сум го добила“ – вели Наталија за нејзиниот миленик што го чува веќе 7 години. Таа за CRNOBELO.com открива како изгледа да се грижите за ваков миленик, но и на што треба да внимавате.

„За неговото живеалиште, аквариумот, потребно е да нема предмети од коишто може да се повреди, не смее никако да се обложува со струготини, тие може да му нанесат повреди по телото. Исто така не смеат да се ставаат остри предмети. Неговиот сад за вода секогаш мора да биде полн“, раскажува Алма Кицара Куртова (28) од Велес за својот миленик – афрички албино полжав.

„Прво сериозно вложување, со јака позајмица, ми беше локалот Змија во Градски трговски центар од 1997 година до 2000 година. Тоа беа најубавите времиња за Скопје. На почетокот на 2006-та, по иницијатива на мојот другар и партнер Коста – Коки, направивме дискотека која ја крстивме „BE-TWO“. Од времето на „Нови Дечки“ мене ми е омилена песната „Шпанска мушичка“...“, раскажува Владимир Ристов, Камењар, за CRNOBELO.com, кој денес работи како началник на единица за економски криминал и е татко на две деца.

Даниела од Скопје од 2000 година живее во САД. Патот до успехот бил тежок, но таа денес го живее својот сон и има еден од најдобрите ресторани во Тампа.

„Што се промени поради болеста мултипла склероза? Сè се смени, енергијата ми се намали за 90%, сè уште не можам да се препознаам. Има и лоши и добри денови, но гледам обврските да си ги завршам во добрите, да се посветам на децата, тие ми се мотивација. Не постои познат лек за МС. Третманите се обидуваат да ги повратат функциите по нападот, да спречат нов напад и да спречат попреченост.“, вели Ивона Зотевска (38) од Скопје за CRNOBELO.com, која храбро говори јавно за да ја поткрене свеста за оваа болест.

Таа креира уметност од цвеќе, а нејзините цветни аранжмани не можат да минат незабележано. Елена Крстевска од „Fancy Flower Boutique“ за CRNOBELO.com открива детали за работата со цвеќе, за стресот од кратките рокови, опасноста од оштетување при транспорт, како и за начинот на набавка од Берзата за цвеќе во Холандија.

„Кога му кажав на татко ми дека ќе служам воен рок, прво занеме, а потоа ми кажа трикови од војска... На мисијата во Авганистан најтешко ми беше да се навикнам на ограничениот простор за движење и на храната која не беше како домашната“ – Ангела Сибиновска од Тетово за CRNOBELO.com раскажува како е да се биде жена војник.

„Кога станува збор за физички изглед, нормално ми годи што ме споредуваат со Барби. Според мене Барби беше и остана стандард за убавина, иако во денешно време премногу се наметнува „песочен часовник“ тип на градба, со облини како Кардашијанс, но мене повеќе ми се допаѓа стандардната манекенска градба“, вели Верица Китанова (23) oд Струмица, која е дипломиран архитект, а работи и на своја линија за козметички продукти.

„Најинтересна случка ми беше кога клиентка добила чевли од брендот Louis Vuitton на подарок од Дубаи, но ѝ дале различни броеви, лева 38-ца и десна 37-ца. Но, бидејќи многу ѝ значел подарокот, се нафатив и ја преправив цела чевла за да бидат пар со број 37“, раскажува Филип Костовски (32) од Скопје, кој повеќе од една деценија се занимава со чевларскиот занает.