Успешни Македонци низ светот: Даниела од Скопје е сопственичка на ресторан на Флорида (фото)

Детали

среда, 30 март 2022

Даниела од Скопје од 2000 година живее во САД. Патот до успехот бил тежок, но таа денес го живее својот сон и има еден од најдобрите ресторани во Тампа.

Даниела Костовска е родена во Скопје, а на само 21 година заминала во САД. Од 2000-та година почнала да живее Њујорк.

За CRNOBELO.com открива дека додека живеела таму, честопати одела на одмор на Флорида во градовите Тампа и Мајами и се заљубила во местото, добивајќи идеја да отвори ресторан, каде што сакала да им понуди на гостите топла и релаксирана атмосфера, каде што гостите ќе се чувствуваат како да се дома, со најубава и автентична италијанска кујна, што не е богата само со вкус, но и со традиција.

За CRNOBELO.com таа вели:

„И до ден денес, водејќи се од мојот сон и работејќи напорно „Verducci’s“ ресторанот е неколку години по ред прогласуван за најдобар ресторан во Тампа. Ресторанот има отворена кујна за да можеш да ги гледаш готвачите како ти ја спремаат храната, слично како што може дома да гледаш како ти ја приготвуваат храната.

За мојот успех имаат пишувано многу весници во Тампа и Њујорк, и горди сум што успеав на друг континент, толку далеку од дома“.

© CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело