Наталија од Охрид чува зајак: „Бани е дресиран и надвор од кафез, но неправилно кревање може да биде кобно - многу се нежни“

Детали

недела, 10 април 2022

„Сопругот ми ја исполни најголемата желба. Бани е најубавиот подарок што сум го добила“ – вели Наталија за нејзиниот миленик што го чува веќе 7 години. Таа за CRNOBELO.com открива како изгледа да се грижите за ваков миленик, но и на што треба да внимавате.

Наталија Деспотовски од Охрид себеси се опишува како неповторлив ентузијаст, љубител на кујната и на животните. Таа веќе седум години чува домашен миленик зајче, што се вика Бани. Љубовта на Наталија кон Бани е видлива и на фотографиите на Инстаграм што таа редовно ги објавува.

View this post on Instagram

A post shared by Natali Cooking - Наталија Деспотовски (@natalicooking)

Наталија во интервју за CRNOBELO.com открива како изгледа да имате милениче зајак, со кои предизвици се соочуваат сопствениците и од свое искуство појаснува на што треба да внимаваат луѓето доколку се одлучат да вдомат ваков миленик.

Колку време го чуваш зајчето, како се вика?

Зајко го имам веќе 7-ма година , заедно со мене се селел 4 пати и е доста прилагодливо животинче. Неговото именце е Бани.

Како се одлучи да чуваш зајак како домашен миленик? Имаше ли некој член од семејството кој првенствено не се согласуваше со одлуката?

Цел живот сакав да имам домашно милениче.

Нормално секој родител знаејќи дека одговорноста за грижа ќе биде најмногу негова, секогаш биле против да се чува животинче дома.

Сепак за ваков чекор се одлучив моментот кога почнав да живеам сама, и сега најмногу од се му се радуваат него.

Какви услови се потребни за да чуваш зајак дома?

Според мене не треба голем простор за чување на кафезот, а секако неговиот дом е цел наш стан.

Бани е дресиран каде треба да ги извршува физиолошките потреби, каде стои садот за храна и вода, па на тој начин тој е 24 сати надвор од кафез, низ цел стан си има свои местенца па скоро секогаш знаеме каде си одмара.

Како изгледа неговото живеалиште и колку често го чистите?

Кафезот се состои од некои основни работи кои се наоѓаат внатре, како садот за вода, сад за храна и сад со пилевина.

Пилевината ја менуваме секој трет ден, пред кафезот има теписонче за полесно да е влегувањето. Во нашиот случај кафезот е отворен постојано.