Даница е инспиративна дама - на 90 години не излегува без бисери од дома, слуша само класична музика

Детали

вторник, 17 мај 2022

„Цел свет го има прошетано, слуша исклучиво класична музика, активно оди по театри, знае сѐ за уметност и култура. Со сопругот имаат повеќе од 2.000 прочитани книги во нивната домашна библиотека“, раскажува за CRNOBELO.com нашата професорка Татјана Алексиќ за својата инспиративна стрина, за која вели дека е најнегуваната дама што ја познава.

Професорката Татјана Алексиќ е една од најубавите и најнегуваните дами во нашата држава, која отворено говори јавно на секоја тема и се залага за подобрување на ситуацијата, со максимално вложени напори, без разлика за што станува збор.

И една ваква прекрасна дама не е можно да нема исто такво семејство.

Една од нејзините омилени жени во животот, од која црпи инспирација ѝ е нејзината стрина, Даница Голубовиќ која има 90 години, живеее во Белград и е пример како изгледа една вистинска дама.

Префинета со бисери на себе, со љубов кон цвеќето, кон домашно приготвената и убаво сервирана храна, а најмногу од сè со љубов кон пишаниот збор.

Оваа дама заедно со сопругот имаат повеќе од 2.000 прочитани книги во нивната домашна библиотека.

Даница Голубовиќ е родена во Белград, татко Хрват, мајка Србинка, дедо по татко Германец, слави и католички и православен Божиќ.

Цел свет го има прошетано, слуша исклучиво класична музика, активно оди по театри, знае сѐ за уметност и култура. Нејзиниот сопруг е судија, работел во Врховен суд, каде работела и таа краток период.

Татјана за својата инспиративна стрина за CRNOBELO.com вели:

„Таа е совршена госпоѓа и домаќинка, која готви и сервира како во врвни ресторани и сѐ уште ги чешла ресите од теписите. Уредна, педантна, културна. Кога се шетаме се вртат по неа.

Таа е природно негувана, без ботокси и филери, сама си прави природни креми и мотото ѝ е „овошје во уста и овошје на лице“.

Наместо дезодиранс користи сода бикарбона, но има омилен бренд на кармин и парфемот „Chanel“ со години.

Со нејзиниот сопруг здраво се хранат и пешачат и тоа е тајната на нивниот изглед. Имаат омилени кафулиња и ресторани, постојано шетаат и полни се со енергија.“

Продолжува на следната страна...