Нора Шаќири 13 години има хашимото: „Три години не можев да забременам, верувам дека болеста е причината за тоа“

Детали

четврток, 03 април 2025

„Стресот по смртта на татко ми си го направи своето. Живеев серизно тешки денови кои резултираа со пореметување на жлездата. Забележав дека нешто не е во ред така што крварев меѓу циклуси, почнав многу да се 'дујам'. На гинеколошки преглед го открија проблемот“ - вели поранешната водителка Нора Шаќири за CRNOBELO.com.

Нора Шаќири (42) ја препознавате како лице од ТВ-екраните. Секогаш ќе ја видите насмеана, но зад нејзината насмевка се кријат и тешки моменти кои ги минала низ животот.

А еден дел од нив се предизвикани од хашимото, автоимуното заболување со кое Нора живее повеќе од една деценија.

Во разговор за CRNOBELO.com, таа ни раскажа дека дознала дека има хашимото при гинеколошки преглед.

Искрена е кога вели и дека ова е најверојатно причината поради која 3 години безуспешно пробувала да забремени. Но, сега го има синот Ијан, кој ѝ е најголема љубов и поткрепа во животот.

Што е хашимото, како се справува со симптомите на болеста, што (според неа) ја предизвикало, прочитајте во интервјуто:

Колку време знаеш дека имаш хашимото? Кога ти ја открија оваа автоимуна болест?

Цели 13 години боледувам од оваа автоимуна болест, која како и секоја болест е непријатна, но со истата се живее, фала Богу.

Сосема случајно открив дека боледувам од истата, а првите знаци беа два или три месеци по смртта на татко ми. Стресот си го направи своето.

Бидејќи долго време живееш со хашимотото, можеш ли да ми ги кажеш разликите меѓу хашимото и остатантите автоимуни заболувања на тироидата (предизвикани од тироидата)?

Хашимото всушност е хипотироидеа, а тоа значи дека е мноооогу намалена функцијата на самата тироидна жлезда, хормоните се во тотален хаос.

Се дефинира и со исклучиво сува кожа, кршливи нокти, опаѓање на косата, дебелеење и нередовен месечен циклус, додека другата страна е хипертироидеа каде, пак, тироидата работи засилено со тоа што создава прекумерно хормони на штитната жлезда.

Имаше ли некакви симптоми кои те наведоа да одиш да се испиташ или лекарите забележаа проблеми со тироидата на редовен преглед?

Стресот си го направи своето. По смртта на татко ми живеев сериозно тешки денови кои резултираа со пореметување на жлездата.

А, забележав дека нешто не е во ред така што крварев меѓу циклуси и почнав многу да се дујам и да натекувам.

При гинеколошки преглед заради крварењето, всушност и открија каде лежи проблемот.

Кои беа препораките на лекарите за подобрување на твојата состојба? 

Мојата докторка веднаш ме стави на терапија која и ден денеска ја пијам.

И, веројатно, ќе ја пијам уште долго време.

Постои ли лек за хашимото?

Јас не знам. Медицината е толку многу напредната што веројатно ќе се спасиме.

Продолжува на следната страница...