Фит Македонка - Симона Ристовска (32): „Нозете и задникот се мојот најсилен адут“

Детали

петок, 27 декември 2024

„Секоја вечер пред спиење ги спремам сите мои оброци за наредниот ден, а омилени тренинзи ми се за нозе, задник и грб“, вели Симона Ристовска (32) од Скопје, персонален фитнес тренер.

Симона Ристовска (32) од Скопје е персонален фитнес тренер, која покрај со тренинзите на клиентите, постојано е активна и со тренинзи за подобрување на својата телесна форма.

Со здрави навики во поглед на исхраната и дисциплинираност таа изгледа навистина фит.

За CRNOBELO.com Симона зборува за нејзината работа и навики:

„На 16 години за првпат влегов во светот на фитнесот и бодибилдингот. Долг период работев активно на себе за да стекнам знаење и искуства, трансформација која ме промени физички и ментално, а потоа добив и лиценца за бодибилдинг и фитнес инструктор.

Веќе 6 години активно работам како инструктор и личен тренер.

Целта на мојот пристап кон секој клиент е, пред сè, тој да изгради здрави навики и здрав начин на живот.

Со долготраен труд и посветеност да постигне резултати кои водат до идеална тежина: намалување на телесните масти, зголемување на мускулната маса, подобрување на кардиоваскуларниот систем, подобра мобилност и флексибилност, намален стрес, добар сон и здрав организам полн со енергија во текот на целиот ден.

Вршам постојан надзор и целосна посветеност со цел постигнување на посакуваните резултати преку персонализирана програма на вежби и планови за исхрана.

Не заборавајте дека големината на теговите и отпорот зависи од вашата физичка способност и цел.

Инаку, секоја вечер пред спиење ги спремам сите мои оброци за наредниот ден. Па, денот ми започнува со детокс на телото, мојот прв здрав оброк и црно кафе.

Во текот на денот, помеѓу моите приватни тренинзи со клиентите, издвојувам време и за мојот тренинг.

Практикувам за себе 5 тежински тренинзи во текот на неделата.

Омилени тренинзи ми се за нозе, задник и грб, но не ги занемарувам и останатите мускулни групи.

Секако, нозете и задникот се мојот најсилен адут.

Како кај мене, така и кај повеќето вежбачи, најтежок тренинг се нозете, се креваат поголеми тежини, одморот меѓу сериите е подолг и тренингот е долготраен“.

Повеќе фотографии од неа на следната страница...