Нина Спасовска (11) танцува како да лебди: „Со првото соло освоив 1-во место, во еден ден настапив 35 пати“

А што е со костимите за натпревар – ги купуваш или ги шиеш? А чевлите? Дали се и тие специјални за вакви натпревари и може ли да се најдат лесно кај нас или ги купуваш од странство?

Сите костими кои сум ги носела изминатите години, седум или осум, ми се специјално подготвувани според кореографиите и истите за оваа намена ги шиеше професионално студио.

Сo годините, во согласност со костимите се менуваат и чевлите. Многу чевли имам сменето досега, затоа што многу брзо ми растеше ногата.

Сега веќе носам од оние со голема штикла и сум посебно среќна.

Инаку, ми ги набавуваат моите од странство.

Дали ти се случила некоја повреда низ годините, си имала ли незгодна ситуација со гардеробата, да ти се скрши штикла или нешто што ќе те деконцентрира додека играш?

Многу сум внимателна кога играм, ама не секогаш сè зависи од нас.

Сум имала незгодни ситуации, прво со костимите, да го згазнам или да повлечам некој дел од костимот додека играм, но имав ситуација и да паднам на сцена.

Од многуте циркони и сите додатоци кои се ставаат на фустаните за танцување, се лизнав и паднав.

Меѓутоа и тогаш во секундата станав и продолжив да играм како ништо да не се случило. Среќа поминав без повреда.

Со пофалби за Нина е и нејзиниот тренер и танчарка, Евгенија Арсова. Таа со Нина почнала да работи пред околу две години, кога првпат ѝ била доделена нејзина група во танцовото студио.

За CRNOBELO.com, Евгенија ги откри најголемите квалитети на Нина, и што е тоа што ја прави одличен танчар.

„Уште од тогаш се забележуваше дека имаме многу нешта кои нѐ поврзуваат, а најмногу од сѐ мотото по кое се водиме: ‘Сѐ од себе и без изговори’. Јас сум човек кој не му придава никакво посебно значење на талентот. Ќе звучи клише, но талентот е помалку од десет проценти, останатото е само труд и посветеност.

Нина е талентирано дете, но тоа ништо немаше да ми значи на мене како тренер, доколку таа не беше спремна безусловно да се вложи себеси кога е во прашање танцот. Секоја минута вложена во тренирање, наместо дружба или релаксирање како мнозинството врсници (мои, како и нејзини) се она што ѝ ги донесе сите награди и признанија.

Без никакво двоумење како нејзин најголем квалитет ќе ја издвојам тврдокорноста. Свесна е дека на патот до успехот се среќаваме со многу порази, но важно е само едно - дали ќе дозволиме истите да нѐ срушат или ќе продолжиме да се бориме.

Таа е човек кој без разлика на тоа колку пати ќе се најде на земја, секогаш ќе собере сила и повторно ќе се исправи, посилна од кога било. Ова дете има срце на шампион и огромно задоволство е да се работи со неа.

Погледнете повеќе фотографии во продолжение:        

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело