Вкусен колач со боровинки и лимон

Спонзорирано од:

Ракувач со офсетна печатарска ... 15-11-2024	Стоматолошки асистент 14-11-2024
Платена практикантска работа 14-11-2024	Продажен референт - ГТЦ 14-11-2024

Вкусен колач со боровинки и лимон

Можете да користите свежи или смрзнати боровинки, во секој случај, вкусот на колачот ќе ви го одбележи летото.

Колачот со боровинки и лимон ќе им се допадне на сите гурмани - богат вкус на непцата, меко тесто и малку кисела „жичка“ - совршено.

Колачот со боровинки се подготвува едноставно, а во неговиот вкус ќе уживаат сите.

Ако немате свежи боровинки можете да користите и смрзнати, но колачот и понатаму ќе биде совршен.

Како да го подготвите?

Потребни состојки:

Тесто:

200g шеќер
80ml стопен путер
2 големи јајца
3 лажици сок од лимон
180g брашно
1 лажичка прашок за печиво
1 лажичка сол
120ml млеко
1 шолја свежи или замрзнати боровинки
2 лажици рендана кора од лимон

Глазура:

30g шеќер
2 лажици сок од лимон

Начин на подготовка:

Загрејте ја рерната на 175 степени, а во калап за печење леб ставете хартија за печење.
Подгответе го тестото за колачот. Изматете ги шеќерот, стопениот путер, јајцата и сокот од лимон во длабок сад.
Во друг сад измешајте ги брашното, прашокот за печиво и солта.
Двете смеси спојте ги, така што смесата од суви состојки ќе ја ставите во садот каде што ги измативте јајцата и путерот. На крајот додадете го и млекото.
Кога ќе добиете мазна смеса, истурете ги боровинките и кората од лимон, па внимателно мешајте за тие да се спојат со тестото, но и да не ги раздробите.
Истурете го тестото во подготвената тава и печете околу 60-70 минути во загреаната рерна (додека чепкалка вметната во центарот на колачот не излезе чиста).
Готовиот колач оставете го во тавата околу 10 минути, па дури потоа извадете го.
Во меѓувреме, подгответе ја глазурата. Измешајте ги шеќерот и сокот од лимон во мала чинија за смесата да се изедначи.
Извадете го колачот од тавата, па прелијте го со глазурата. Дури откако убаво ќе се олади пресечете го и послужете го.