Омилен појадок за сите што сакаат сендвичи со растопен кашкавал – Како се прави Pizza Lava?
Растопен кашкавал во средината, но и на површината на сендвичот. Знаете ли како се подготвува Pizza Lava сендвич, што стана вирален хит на социјалните мрежи?
Социјалните мрежи се местото каде што во последниот период масовно се споделуваат брзи рецепти.
И иако некои од нив се сметаат за промашување, рецептот за Pizza Lava сендвич е еден од омилените, што луѓето масовно се обидуваат да го приготват.
За каков сендвич станува збор и како се подготвува?
Потребни состојки (за 4 сендвичи):
- 8 парчиња тост-леб;
- 8 парчиња кашкавал;
- 200g рендан кашкавал;
- Доматен сос;
- 100g сувомеснато (по ваш вкус, најдобро кулен);
- Исечкани перца од млад кромид, оригано, (или друг зачин по ваш вкус).
Начин на подготовка:
- Рерната се загрева на 190 степени Целзиусови;
- На плех обложен со хартија за печење се распоредуваат 4 парчиња леб;
- На секое парче леб по краевите се распоредува по едно праче кашкавал (при што треба да водите сметка средината да биде празна);
- Врз лепчето се става уште едно парче леб и со лажица за сладолед се прави длабнатина на средина;
- Длабнатината се исполнува со доматно пире и се распоредува, па се зачинува со оригано;
- Сендвичите се наросуваат со рендан кашкавал, па врз нив се редат тенки парчиња сувомеснат производ;
- Лепчињата се печат на температура од 190 степени околу 15 минути или додека кашкавалот да се стопи, а краевите на лепчето да се запечат;
- Сендвичите се вадат од рерна и се оставаат да се оладат неколку минути;
- Доколку сакате свежи перца од млад кромид, сега можете да ги наросите сендвичите.
Видео упатство:
https://www.instagram.com/reel/C4IaAd7sl2i/
Б. С. Б. | Црнобело
Би можело да ве интересира:
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Лесен рецепт за брза вечера: Пита од тортиљи со растопен кашкавал и шунка
Мека пита со парченца шунка и растопен кашкавал, без месење, тегнење и чекање......
Брз викенд ручек за гурмани: Потпечени плескавици со растопен кашкавал
Што да подготвите ако дома имате компир, мелено месо и моркови? Може да си напра...
Препорачуваме
Најчитани неделава
