Прсти да излижете: Баунти колач со кокос и Орео колачиња, што не се пече
Од овој колач задолжително ќе барате парче плус, а омилен им е на сите оние што не можат да му одолеат на вкусот на кокос.
Овој колач е инспириран од вкусните баунти чоколатца. Тој е совршен спој на кокос и чоколадо, а ќе им се допадне на сите кои сакаат да подготват вкусен и брз десерт.
Како да го подготвите?
Потребни состојки:
За кора:
- 28 парчиња (308g) Орео колачиња;
- 70g несолен путер;
За фил од кокос:
- 400ml кокосово млеко;
- 200g кокос;
- 3 лажици шеќер.
За прелив од чоколадо:
- 80ml кокосово млеко;
- 115g чоколадо за готвење;
- ½ лажица путер;
- Кокос (за декорација).
Начин на подготовка:
- Млекото за филот се загрева и му се додава шеќерот;
- Со повремено мешање се остава млекото да врие на тивка температура, додека не испари половина од течноста и се направи кондензирано;
- Орео колачињата се дробат во процесор за храна, или во ќеса со сукало, а путерот се топи на пареа;
- Во длабок сад се мешаат искршените колачиња и стопениот путер и од нив се прави кора, па се става да отстои во ладилник околу половина час;
- Во мало тенџере се загреваат 80ml кокосово млеко и потоа во него се додава искршеното чоколадо;
- Чоколадото се остава да отстои околу 5 минути во млекото, па се меша додека да се стопи;
- На крај во чоколадниот прелив се додава путер и се меша;
- Во изладеното кокосово млеко за филот се додава кокос и се меша;
- Се става врз оладената кора, па се прелева со чоколаден прелив и се остава во ладилник да се олади околу 3-4 часа;
- Откако ќе се олади, колачот се декорира со кокос.
Видео упатство:
Б. С. Б. | Црнобело
Би можело да ве интересира:
Колач со вишни, по рецептот на нашите баби
Ако носталгијата има мирис и вкус, тогаш сигурно потсетува на колачот со вишни ш...
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
Предлог рецепти за божиќните пости – вкусни оброци без месо
Што да јадете кога постите? Подгответе некои од овие вкусни рецепти, што ќе ви д...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепти за 2 редени чоколадни торти што не се печат
Редена чоко-торта од бисквити и чоколаден прелив или торта со бела чоколада бана...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
Препорачуваме
Најчитани неделава
