5 предлог посни рецепти за деновите кога не знаете што да јадете
Пет рецепти без масло и со масло за деновите додека трае постот. Што можете да подготвите во деновите кога навистина веќе не знаете што да јадете...
Започна божиќниот пост. Православните христијани 40 дена пред прославувањето нa празникот Рожденство Христово ќе ги поминат во прочистување со покајание, молитва и пост за да можат со чисти срца, душа и тело да го дочекаат големиот христијански празник.
Освен што се воздржуваат од лоши мисли и однесување, православните христијани треба особено да внимаваат и на исхраната, а според правилата на црквата во овој период треба да се избегнуваат месото, путерот, млекото, јајцата и сирењето.
Според правилата, во понеделник, среда и петок не се јаде риба и храната треба да биде подготвена без масло.
Во останатите денови, вторник, четврток, сабота и недела, може да се јаде храна со растително масло.
Исто така, за време на викендите е дозволено да се јаде риба, а исто и во деновите кога има поголеми празници, каков што е празникот „Воведение во храмот на Пресвета Богородица“.
Постот се засилува во последните денови, па така од 2-ри до 6-ти јануари, рибата не се јаде ниту во сабота и недела.
Во овој период може да се јаде храна со мешунки, зеленчук, леб, овошје, мед, јаткасти плодови, ориз, тестенини (без јајца), житарки и одредени денови риба.
Пет посни рецепти за деновите кога немате идеја што да јадете:
Посни тестенини без масло
Потребни состојки:
- 250g посни шпагети;
- 150g млад спанаќ (или блитва);
- 100g печурки (шампињони);
- 2 чешниња лук (ситно исечкан);
- 50ml сос од домати;
- Сол и бибер по вкус;
- Суво оригано;
- Потпечен сусам;
- 1 лажица таан;
- 1 лажица соја сос (посен).
Начин на подготовка:
- Шпагетите се варат според упатството на амбалажата;
- Листовите спанаќ се чистат и се мијат, па се ставаат во тенџере и се прелеваат во врела вода, да отстојат 2-3 минути и да омекнат;
- Спанаќот се процедува и се сечка на ленти;
- Печурките и лукот се сечкаат ситно и се оставаат настрана;
- Во подлабоко тавче се става малку таан да се загрее и му се додава лажица вода за да не се залепи;
- Во таанот се динстуваат печурките и лукот, па се додава и спанаќот;
- Се додаваат сол, бибер, оригано, соја сос, доматен сос и сусам и се меша за сите состојки да се соединат, па се остава да се провари околу 2-3 минути;
- Сварените шпагети се процедуваат и им се додава готовиот сос, а по минута-две може да се послужат.
Посна леќа
Потребни состојки:
- 500g леќа;
- 50ml масло;
- 2 главици кромид (ситно исечени);
- 1 страк праз (ситно исечкан);
- 2 чешниња лук (ситно исечкани);
- 2 моркови (изрендани);
- 2 лажици доматен сос;
- 2 ловорови листови;
- Малку оригано;
- ½ мала лажичка оцет;
- Сол и бибер (по вкус).
Начин на подготовка:
- Леќата се мие, се става да се вари во големо количество вода околу 5 минути, па се процедува;
- Во тенџере се ставаат, 3-4 големи лажици масло и се динстуваат кромидот и празот околу 3 минути;
- Се додаваат кромидот и лукот и се динстуваат со мешање, па се додава сос од домати;
- Се додава леќата и се додава вода која треба да ја прелее целата леќа во тенџерето;
- Се додаваат ловорови ливчиња и се остава да се готви околу 25 минути на средна температура или додека да се згусне;
- На крај се додава сол и бибер, и остатокот од маслото со постојано мешање;
- Пред крајот се додава оцетот и се наросува со малку оригано.
Продолжува на следната страница...
Би можело да ве интересира:
Препорачуваме
Најчитани неделава
