2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и маслинки и сенф. Два посни рецепта што сигурно ќе ви се допаднат.
Компир салатата е одлична со риба, а овој пат ви предлагаме да ја подготвите по класичен грчки рецепт, со маслинки и малку сенф. Рибата, наместо да ја пржите, можете да ја потпечете во Air Fryer, без да плива во масло.
За посната трпеза на Свети Никола најчесто се подготвуваат сарми, риба и салати, а овој пат ви предлагаме два брзи рецепта што може да ги подготвите буквално на денот на славата и да не изгубите цел ден во кујната.
Грчка компир салата
Потребни состојки:
За салата:
- 1,5kg млад компир;
- 1 лажичка сол;
- 1 мал црвен кромид;
- 3 млади кромитчиња (ситно исечкани);
- 1 китка ливчиња од магдонос (ситно исечкани):
- Неколку гранчиња свеж копар (ситно исечкан);
- 100g каламата маслинки (исчистени од семки и исечени на половинки);
За прелив:
- 4 големи лажици вински оцет;
- 1 голема лажица сенф;
- 1 мала лажичка оригано;
- 2 чешниња лук (столчени или изрендани);
- 1 мала лажичка сол;
- Малку црн бибер;
- 120ml маслиново масло.
Начин на подготовка:
- Компирите се варат измиени и неизлупени со една лажица сол;
- Во мал сад ставете оцет, сенф, оригано, лук, сол и црн бибер и измешајте ги, па потоа полека додавајте по малку маслиново масло со постојано мешање, додека сите состојки не се соединат;
- Сварените компири се процедуваат и се оставаат да се изладат за да можете да ги излупите;
- Компирите се сечкаат на коцкички и се ставаат во длабок сад;
- Се додава кромид, магдонос, копар и маслинки;
- Преливот се промешува уште еднаш и се прелева салатата;
- Нежно размешајте ги состојките;
- Салатата се сервира кога е на собна температура.
Потпечени филети од риба во Air Fryer
Потребни состојки:
- 800g филети од риба;
- 1 лажица маслиново масло (или сончогледово);
- 50g презла;
- ½ мала лажичка црвен пипер;
- ½ мала лажичка црн бибер;
- Прстофат лук во прав;
- ½ лажичка сол.
Начин на подготовка:
- Ако користите смрзнати филети ќе треба да ги одмрзнете;
- Попрскајте ги со масло;
- Во мал сад промешајте презла со црвен пипер, црн бибер, лук во прав и сол;
- Обложете ја секоја филета со презла и ставете ја во корпата на апаратот за готвење со топол воздух;
- Печете ги филетите на температура од 200 степени Целзиусови, околу 15 минути. По првите 8-10 минути, превртете ги филетите за да се испечат рамномерно.
- Ако немате Air Fryer, рибата можете да ја ставите во плех и да ја печете во рерна на температура од 200 степени околу 20 минути.
Б. С. Б. | Црнобело
Би можело да ве интересира:
Сочно пилешко во сос од сенф и кари
Ако немате идеја за ручек или сакате да зготвите нешто вкусно кога ќе поканите г...
Сочни шницли во сос од сенф и павлака
Ручек подготвен во една тава за целото семејство - прсти да излижете! Ако с...
Рецепт за здрава пица со тесто од црвена леќа, погодна и за деновите кога се пости
Направете една поинаква пица и изненадете ги вашите блиски со вкус кој не го оче...
Ролат со спанаќ и пршута - ќе барате парче плус
Ролатот со спанаќ има неколку различни варијанти, а ние овој пат го споделуваме ...
Рецепт за посна салата од компири со прелив од кари
Компирите честопати се дел од нашето мени, без разлика дали е за ручек, како сал...
Колач медено срце - посен десерт чиј вкус потсетува на детството
Брз, едноставен и со вкус кој ќе ви врати носталгија - колачот Медено срце е нав...
Препорачуваме
Најчитани неделава
