Подгответе вкусни желе шатови во јаготки

Овој пат ви предлагаме нешто алкохолно, a неверојатно освежително. Една голтка полна уживање!

Изненадете ги вашите најблиски со мали желе шатови наполнети во средината на вкусни, зрели јагоди.

Потребно ви е:

• Желатин од јагоди
• Вода
• Јагоди
• Текила
• Cointreau ликер
• Шеќер
• Зелен лимон

Начин на подготовка:

Најпрво ги подготвувате чашките од јагоди. Исечете го горниот зелен дел и врвчето на долниот дел. Потоа издлабете ја внатрешноста со мало лажиче.

Ставете ги во плитка чинија или сад за полесно да ги наполните.

Преминете на подготовката на желето. Истурете ¾ шолја врела вода и додадете една кесичка желатин. Мешајте околу 2-3 минути, додека сосема не се растопи. Додадете 1 мала чашка текила и ¾ чашка ликер Cointreau.

Со течноста започнете да ги полните чашките од јагоди до врв. Ставете ги во ладилник додека желето не се стврдне.

Декорацијата не е задолжителна, но изгледа прекрасно.

Ситно изрендајте кора од зелен лимон и измешајте ја со шеќер. Исечкајте и мали парченца зелен лимон кој ќе ги употребите за странична декорација, како кај чашите за коктели.

На крај, јаготките шатови би требало да изгледаат вака.

Уживајте во минијатурното и уникатно освежување!