„И јас ја пробав диетата на Викторија Бекам – лицето ми блескаше, но се чувствував ужасно, oва не е живот“

Осми ден

Вечерва, од самата помисла на риба ми се лоши. Копнеам за печено месо и чипс. Додека ја гледам рибата во чинијата, ми се превртува стомакот. Успеав да земам неколку залчиња, пред да почне да ми се повраќа.

Читав дека Викторија Бекам користи ментол бонбони и кокосова вода за да го надмине гладот, па така седнав на каучот и изедов цело пакетче бонбони, а се измачував себеси гледајќи десерти на Google.

Десетти ден

Денот е прекрасен, па отидовме на излет со скара до локалниот базен. Насекаде има пиво и коктели, но јас не смеам да пијам – па наеднаш станувам очајна за еден коктел.

Викторија Бекам пие алкохол во одредени прилики, но јас ја држам нејзината диета само две недели и сметам дека сè уште не сум заслужила да правам отстапки. Јадам јаготки и завидливо гледам како другите мајки уживаат во коктелите.

Тринаесетти ден

Се гледа крајот на диетата и затоа прославивме во локален рибен ресторан, каде персоналот без проблем одговори на моите барања во поглед на храната. Јадев свежа скумрија печена на скара, но ми фалеше чаша вино.

Сепак, забележав дека веќе немам кризи за шеќер, имам повеќе енергија и спијам подобро.

Заклучок

Дали се чувствував добро? Да. Дали ми блеска кожата? Најверојатно – не користам веќе пудра. Но, дали ќе продолжам? Не.

Оваа диета не ти дозволува да уживаш во животот, дополнително невозможна е за одржување со моменталното покачување на цените. Потрошив цело богатство – од 10 до 12 фунти дневно (11 до 14 евра) само на риба.

Кога ќе се додадат зеленчукот, авокадото, кокосовата вода, ментол бомбоните и суплементите од колаген, тоа е над 150 фунти (175 евра) неделно само за мојата храна, без да купам нешто за децата.

Но, тоа што си дадов себеси задача да се грижам за себеси направи да се чувствувам посилно и поослободено, па сега водам повеќе сметка за тоа што јадам. Не бев свесна колку многу компирчиња крадам од чиниите на децата, додека не престанав да го правам тоа.

Не знам дали сум изгубила килограми, но признавам дека фармерките ми се покомотни и веќе не сум подуена.“

 Б. С. Б. | Црнобело