Најлошите совети за слабеење кои ќе ги пронајдете онлајн

Сигурно знаете дека не можете да верувате во сè што ќе прочитате. Но сепак сигурно и понатаму се придржувате до одредени совети, кои немаат апсолутно никаква смисла, што се однесува до губењето на тежината.

Затоа е важно да ги прочитате овие најлоши совети за слабеење, кон кои не треба да се придржувате:

Маснотиите здебелуваат

Ова зависи од типот на маснотиите што ги внесувате. Мастите кои се наоѓаат во бисквитите, помфритот и другите масни намирници можат да го зголемат нивото на холестеролот.

Но добрите масти, кои можат да се најдат во ореви, риби и авокадо, го штитат срцето и го подобруваат целокупното здравје на телото.

Во комбинација со здрава исхрана, овие масти можат да ви помогнат да се ослободите од вишокот килограми.

Не јадете помеѓу оброците

Консумирање на помали, чести оброци е одличен начин да се потисне гладта, да се контролира големината на порциите и да се подобри исхраната.

Сочното овошје или свежиот јогурт се одлични намирници кои можат да ви помогнат да го задржите нивото на енергијата во текот на денот.

Јадете многу протеини

Консумирање на голема количина на протеини е клучна за здравото губење на тежината. Зошто? На организмот му се потребни три макронутриенти: протеини, јаглехидрати и масти.

Самите протеини нема да ви помогнат да изгубите на тежина, само ќе го лишите телото од влакна и други антиоксиданти.

Избегнувајте глутен

Не постојат научни докази кои укажуваат на тоа дека глутенот дебелее. Проблемот настанува кога внесуваме премногу рафинирани јагленохидрати (храна од бело брашно или други рафинирани житни култури).

Пред да го исфрлите глутенот од исхраната посоветувајте се со вашиот лекар, бидејќи недостаток на истиот може да доведе до недостаток на важни хранливи материи во телото, како што се влакна, железо, витамин Б12 и магнезиум.

Внесувајте што е можно помалку калории

Кога ќе внесувате малку калории вашиот организам преминува во режим на глад, со што се забавува метаболизмот. Доколку внесувате многу калории, обидете се редовно да вежбате, за да ги истрошите истите.

Не јадете после 18 часот

Додека за некои луѓе овој совет има логика, за некои луѓе е сосема лош. Повеќето нутриционисти се согласуваат дека навистина не е важно кога јадете, важна е количината на храната што ја внесувате.

Вегетаријанството автоматски ќе ве направи послаби

Повторно, не е важен видот на храната, туку количината на истата. Претерување со која било храна може да ве здебели.

На пример, мандарините се здрави плодови со малку калории, но ако јадете 10 мандарини ќе внесете повеќе калории отколку да сте јаделе чизбургер. Слично е со сите овошја и зеленчуци.

Брзите диети се најдобри

Брзите диети го исцрпуваат телото, што доведува до јо-јо ефект.

Супер апчиња или чај за слабеење

Општо земено, ова е лоша идеја. Можеби постојат некои супер таблети за губење на тежината, но тие секогаш имаат негативни несакани ефекти.

Исфрлете го лебот целосно од исхраната

Ако го исфрлите целосно лебот од исхраната, најверојатно ќе го замените со друга мрсна храна и ќе внесувате повеќе масти. Овој совет е валиден само доколку вашите порции нема да се зголемат, и доколку ќе продолжите да јадете со исто темпо.

Ашера | Црнобело