Како да го трансформирате малиот ходник во пролетна оаза?

Свежо цвеќе и детали во весели бои – не ви требаат многу труд и пари за да го трансформирате ходникот во удобно катче.

Пролетта е период кога многумина сакаат да направат некаква промена во домот.

Оваа промена не мора да значи реновирање, туку менување некои ситници кои ќе му дадат нова, пролетна свежина на просторот.

Во овие мали промени, дел од домот кој е доста често запоставуван е ходникот. Но, ходникот е првото нешто што го гледате кога си доаѓате дома, па важно е да биде пријатен.

А, дури и ако имате минијатурен ходник, можете да го претворите во пролетна оаза.

Неколку совети што ќе ви се најдат:

Елементи во боја

Ако реновирате, тогаш заменете ги монотоните шкафчиња со модели со поживи бои.

Ако, пак, сакате да направите сосема мала промена, можно е да ставите и само еден детаљ во пожива нијанса, како столче или полица за чевли.

А, можете да ја промените и бојата на влезната врата.

Украси на ѕидот

Доколку варосувате, тогаш во ходникот употребете некоја посвежа боја која асоцира на пролет, како зелена.

Истовремено, можете да ги украсите ѕидовите и со уметнички дела кои му даваат посебна свежина на просторот.

Свежо цвеќе

Зарем има нешто што повеќе асоцира на пролет од свежото цвеќе?

Купете вазна со убав дезен и во неа ставете букет свежо цвеќе.

Можете да го дополните просторот и со растенија во саксии.

Спирова С. | Црнобело