На гости кај Силвана: Стан од 72m2 во Скопје со библиотека и тиркизна гарнитура (фото)

Детали

сабота, 24 јуни 2023

„Идејата за уредувањето на станот, како и боите ги договаравме заедно со сопругот. Преовладуваат белата боја како и антрацит, со детали во топли тонови, како тиркизно и жолто. Најмногу уживаме во кафето на нашата тераса, која има поглед кон природа. Имам и библиотека со повеќе од 150 книги“, раскажува Силвана Аврамовска Софронијоска (29) за CRNOBELO.com.

Силвана Аврамовска Софронијоска (29), по професија правник, живее со сопругот во стан од 72m² во Скопје.

Taa вели дека внимава на секој детаљ во уредувањето, а најомилени ѝ се библиотеката и терасата со поглед кон зеленило.

За уредувањето на станот Силвана открива за CRNOBELO.com:

„Уште пред да почнеме да го уредуваме станот знаев дека мора да имам библиотека и тиркизна гарнитура во дневната соба.

Идејата за уредувањето на станот, како и боите ги договаравме заедно со сопругот. Преовладуваат белата боја како и антрацит, со детали во топли тонови, како тиркизно и жолто.

Ако нешто треба да издвојам како детаљ и контраст во станот, тоа е тиркизната аголна гарнитура со жолти и сиви перничиња, која дополнително го отвора дневниот простор и му дава топлина.

За боите во кујната, јас сакав бела боја, а сопругот антрацит, па така горниот дел ни е бел, а долниот антрацит, споен со мермерен ефект на плотна.

Исто би ја издвоила и винаријата со задимено сиво стакло која беше целосна замисла на сопругот и навистина одлично ја надополни кујната.

Продолжува на следната страница...