„Низа од срца“ или String of Hearts – популарен сукулент кој го обожаваат сите (фото)

String of Hearts, исто така познато и како Ceropegia woodii, е прекрасен сукулент кој може да го облагороди секој простор за живеење. Додека за некои, грижата за овој сукулент претставува тешка задача, други тврдат дека штом ќе успеете да се справите со него, String of Hearts е едно од најтолерантните домашни растенија.

String of Hearts е фантастично висечко растение кое потекнува од Јужна Африка, Есватини и Зимбабве.

Поради својата темнозелена боја со разновидни сребрени детали, чии листови може да бидат и во крем, розова и зелена боја, во облик на срце со дезен - овој прекрасен, нетипичен цвет ги украде срцата на многу колекционери на саксиски растенија.

Растението String of Hearts сака топлина и светлина, но не толерира директна сончева светлина.

Како и секој сукулент и „Низата срца“ не сака премногу вода, бидејќи коренот може да почне да гние и да скапе, па најдобро е да го „искапете“ сукулентот во вода на секои 2-3 недели, за да се освежи.

Погледнете како изгледа магичното „Низа од срца“ или String of Hearts:

(О)Милена | Црнобело