3 цвеќиња кои ја симболизираат пролетта, го разубавуваат секој простор и се лесни за одржување (фото)

Иако можеби не ни изгледа така во моментов, факт е дека пролетта е пред нас со своите топли сончеви зраци и боите што го исполнуваат секој агол. Три видови на саксиски цвеќиња се издвојуваат од сите останати, симболизирајќи го доаѓањето на пролетта и разубавувајќи го секое катче од домот.

Уште денес набавете си едно од овие 3 цвеќиња и направете си го домот посреќно и поубаво место за живот:

Каланхоа

Каланхоа е живописно долговечно растение кое има многу богата историја, а потекнува од тропскиот дел на Мадагаскар.

Станува збор за прекрасно растение со многу долготрајни цветови во нијанси на портокалова, црвена, жолта, розова или бела боја.

Спатифилум

Според многумина, ова растение е најубавиот пролетен цвет. Легендата вели дека тој привлекува љубов за осамените девојки, додека на мажените им носи хармоничен брак.

Оттука доаѓа и популарното име помеѓу народот – „женска среќа“.

Циклама

„Cyclamen persicum“ или „персиска циклама“ е единствениот вид од овој род кој се одгледува како саксиско цвеќе.

Расте и во Алжир и Тунис и на грчките острови Родос, Карпатос и Крит, каде што се претпоставува дека можеби го донеле монасите.

(О)Милена | Црнобело