5 најиздржливи собни растенија, погодни за сите кои не знаат да одржуваат цвеќе

Дали сте од оние кои ги носите цвеќињата на душа, бидејќи не можете да одржите ниту едно во живот? Доколку сте од луѓето кои успеале да умрат и кактус, дадете си уште една шанса.

Внесете малку зеленило во домот, а ние ви предлагаме 5 собни растенија кои дури ниту вие не можете да ги убиете:

Домашен папрат

Домашните папрати се одлична опција за домот. Во дивината растат во влажни и темни предели, што ги прави одлични собни растенија.

Добро успеваат во простории каде што нема многу природно светло, а бидејќи ја сакаат влагата, слободно може да си ставите едно во кујната или во бањата.

Одлично изгледаат и како висечки растенија поради декоративните ливчиња.

Кактус

Кактусите во секаква форма се неверојатни лесни за одржување. Бараат многу малку вода и се среќни и под директна и кога се изложени под индиректна сончева светлина.

Сукуленти

Кактусите припаѓаат токму во оваа група на растенија кои апсорбираат вода во нивните ливчиња и благодарение на оваа способност може да преживеат многу долго.

Сукулентите сакаат топлина, но исто така добро ги поднесуваат и постудените соби. Имајте предвид дека сукулентите со црвена и виолетова боја сакаат повеќе светлина од оние чии ливчиња се сиви или зелени.

Собна палма

Доколку сакате поегзотичен и тропски изглед на домот, нема да погрешите со собните палми. Не им е потребна директна светлина и којзнае колку често полевање.

Одлични се за поголеми простори како и ходници, бидејќи достигнуваат прилично масивна големина.

Воздушни цвеќиња од фамилијата Бромелија

Како што укажува и името, на оваа група растенија не им е потребно ништо да преживеат, освен воздухот кој го опкружува.

Одлични изгледаат самостојно, но служат и како одлична декорација во терариуми. Наместо да се полеваат, најдобро е да ги пропрскувате одвреме-навреме со помош на вода во спреј.

(О)Милена | Црнобело