Совети за одгледување фотинија – растение кое расте како жива ограда, но и во саксија

Фотинијата не бара преголемо внимание, туку нејзината основна нега се заснова на редовно заливање, повремено прихранување, заштита и кроење на растението.

Фотинијата е прекрасно растение кое не бара голема нега. Новите израстоци во црвена боја го прават ова растение уште поспецифично и повпечатливо.

Се работи за издржливо и брзорастечко растение, а најчесто расте околу 30 сантиметри годишно.

Во зависност од видот, фотинијата расте до вкупни димензии помеѓу 1.5 и 4 метри висина и ширина, па е одличен избор за живи огради.

Какви услови да ѝ обезбедите на фотинијата?

Засадете ја фотинијата на сонце или делумна сенка, а избегнете изложување на ветрови.

Фотинијата најдобро расте во плодна и добро дренирана почва, а ако имате глинена или друга почва, измешајте со малку компост или ѓубриво.

Фотинијата не бара преголемо внимание, туку нејзината основна нега се заснова на редовно заливање, повремено прихранување, заштита и кроење на растението.

Кога ја полевате фотинијата, ставајте ѝ вода директно во коренот, а не на листовите, зашто влажните листови имаат поголеми шанси да се заразат со габични заболувања.

Откако ќе потпорасне, фотинијата може да толерира умерена суша.

Жолто обоените листови најчесто укажуваат на растение кое има вишок вода. Исушените листови, пак, може да укажат на тоа дека фотинијата не е доволно наводнувана.

Што се однесува до прихранувањето, користете балансирано ѓубриво кое содржи еднакви делови на азот, фосфор и калиум.

Ѓубривото треба да се стави рано наутро или навечер по наводнувањето на растението, а не прихранувајте ја фотинијата во текот на летните месеци.

Како да одгледувате фотинија во саксија?

Покрај тоа што може да ја засадите во двор и како жива ограда, може да одгледувате фотинија и во саксија, а за таа цел изберете саксија која е широка и длабока најмалку 30 сантиметри.

Наполнете ја саксијата со квалитетна земја и ставете ја фотинијата во дупката, нежно зацврстувајќи ја.

Потоа, полејте ја добро со вода и ставете ја на светло место каде што има сонце.

Наводнувајте ја еднаш или двапати неделно, во зависност од временските услови.

Во пролет и есен прихранете ја со ѓубриво за да го поттикнете развојот на коренот и да добиете здраво зеленило.

Така посадената фотинија кастрете ја редовно, а најдобро е да ја режите во есен, за следната пролет да имате добро цветање.

М. Ѓ. | Црнобело / фото: depositphotos.com