Едноставни совети со кои ќе им го продолжите рокот на траење на апаратите во домот

Не го чувајте фенот во бањата и немојте да оставате предмети врз лаптопот. Со кои грешки им го скратувате рокот на траење на апаратите и уредите во домот?

Смартфон, лаптоп, фрижидер – ова се уреди што ги има во сечиј дом.

И, ваквите уреди обично не се евтини, па кога ги купуваме, сакаме да ни траат неколку години.

Но, со некои грешки самите им го скратуваме животот.

Неколку совети со кои апаратите ќе ви траат подолго:

Не го чувајте фенот за коса во бањата

Поради влагата, фенот за коса ќе се расипе побрзо ако го чувате во бањата.

Исто така, не заборавајте да го чистите задниот дел каде што се акумулира прашина.

Со ова ќе го спречите прегревањето и ќе му го продолжите рокот на траење.

Чистете ја металната решетка на шпоретот

Ако имате шпорет на плин, не заборавајте редовно да ја чистите металната решетка.

Но, немојте да ја киснете долго во вода за да го спречите рѓосувањето.

Откако ќе ја исчистите, веднаш пребришете ја со сува крпа.

Не чекајте батеријата на телефонот да се испразни целосно

Литиумските батерии во смартфоните е оптимално да бидат помеѓу 40% и 60%.

Не е препорачливо да чекате телефонот да се испразни целосно.

Ако често го правите ова, ќе го намалите рокот на траење на батеријата, односно по некое време ќе се празни значително побрзо.

Не ја оставајте вратата од машината за перење отворена

Откако ќе ја извадите облеката, оставете ја машината отворена за да се исуши.

Но, по околу половина час, препорачливо е да ја затворите.

Ако постојано е отворена, поради притисокот од нејзината тежина, може да се оштети механизмот, па потоа нема да се затвора соодветно.

Исто така, секогаш постои веројатност да се удрите во вратата.

Продолжува на следната страница...