Многу тесна облека и уште 4 работи што ги влошуваат киселините во стомакот

Ако си легнете веднаш по обилен оброк, речиси сигурно ќе имате киселини и нема да спиете добро.

Киселините во стомакот се проблем со којшто се соочиле сите, но ако кај вас се јавуваат речиси секојдневно, сигурно ве интересира што можете да преземете.

Нормално, за да ги намалите киселините треба да обрнете внимание на начинот на исхрана, а ако ви предизвикуваат многу непријатности, консултирајте се и со лекар.

Сепак, постојат и некои други ситници на кои веројатно не обрнувате внимание, но можат значително да ги влошат вашите симптоми.

Кои работи ги влошуваат киселините во стомакот?

Тесна облека

Ако имате проблеми со киселини, настојувајте да ја избегнувате премногу тесната облека.

Тесните фармерки, на пример, создаваат притисок врз стомакот и со ова ги влошуваат киселините во желудникот.

Спиење без перница

Спиењето со повисока перница може да ги ублажи киселините во стомакот. Од друга страна, спиењето без перница може да ги влоши симптомите.

Според истражувањата, спиењето со перница го спречува „бегањето“ на киселините од желудникот во хранопроводот, па ќе се чувствувате подобро.

Легнување веднаш по оброк

Сосема нормално е да ви се прејаде среде ноќ, па да се најадете пред да си легнете. Но, ако имате киселини, најдобро избегнувајте го ова.

Кога ќе легнете со полн стомак, симптомите речиси сигурно ќе се влошат бидејќи храната треба да се дигестира.

Најдобро е по вечерата да седете исправено и да почекате барем два часа пред да си легнете.

Прекумерно пиење кафе

Иако кафето може да ве расони и од него има многу здравствени придобивки, најдобро намалете со овој пијалак ако имате проблеми со киселини.

Кафето може да ги влоши симптомите, па ако забележите дека по секоја шолја ви се појавуваат киселини, ограничете се на една шолја дневно.

Претерувате со вежбање

Многу интензивните тренинзи можат да предизвикаат подуеност и киселини. Ова, се разбира, не значи дека треба да се откажете од вежбањето.

Туку, ако забележите дека имате киселини додека вежбате или веднаш после тренинг, почнете да пробувате поедноставни вежби додека да најдете што е најдобро за вас.

Исто така, избегнувајте да јадете 2 часа пред вежбање ако не сакате да ги влошите симптомите.

Спирова С. | Црнобело