„Го пробав трикот за брзо смирување на наелектризираната коса со алуминиумска фолија – Какви беа резултатите?“

„Сè на сè, ми требаше само една минута за да ја средам косата, а резултатите беа видливи веднаш“ – вели девојката која го испробала трикот за брзо средување на наелектризираната коса со алуминиумска фолија, што вирално се шири на социјалните мрежи.

Како за една минута да ја средите разбушавената коса и да имате совршена фризура за на работа? Според девојките и жените на социјалните мрежи – ви треба само мало парче алуминиумска фолија.

Обично по миење голем број од девојките и жените се соочуваат со наелектризирана коса, која лета во сите правци и никако не може да се скроти.

Секој има различен начин на кој успева да ја среди фризурата.

На ТикТок, масовно се шири тренд за брзо средување на косата, а девојките се убедени дека алуминиумската фолија им помага брзо да се справат со наелектризираната коса.

Доволно е само да ги поминете проблематичните прамени со по едно парче алуминиумска фолија и да ја скротите фризурата.

Новинарката Џесика Харингтон вели дека го пробала трикот, а во статија за Pop Sugar открива какви биле резултатите.

„Трикот го пробав на четвртиот ден по миењето на косата, кога вообичаено мојата коса почнува да изгледа малку наелектризирано во коренот и на краевите.

Ми беа потребни неколку поминувања со парчето фолија, но кога направив споредба со другата страна од косата, разликата беше видлива.

Сè на сè ми требаше само една минута за да ја средам косата, а резултатите беа видливи веднаш. Иако ефектот траеше само околу еден час, сепак тоа беше доволно за да направам неколку добри фотки потоа“ – вели таа.

Погледнете го видеото:

@sarahelsiee

#stitch mit @laurentpreble Bad hair day? not anymore 😂😍Thank u girl !!!!! #hairhacks #hairtutorial #learnontiktok #beautytutorial #tutorial #fyp #fy

♬ Love You So - The King Khan & BBQ Show

Б. С. Б. | Црнобело