Како да се справите со несаканите родителски совети од другите?

Отворено кажете им на пријателите и семејството дека не сакате да ви даваат совети доколку не ги прашате, а кога можете, игнорирајте ги – како да се справите со несаканите родителски совети?

Без разлика што можеби ви мислат најдобро, веројатно нема да се чувствувате добро ако другите постојано ве бомбардираат со совети за грижа за вашето бебе кога не сте го побарале тоа.

Како родител, вие знаете што е најдобро за вашето дете и сигурно ве иритира кога другите постојано „ви солат памет“.

Важно е да знаете дека никогаш нема да ги избегнете овие несакани совети, но затоа можете да направите стратегија за да се справите со нив.

Како да се справите со несаканите родителски совети од другите?

Разговарајте со партнерот уште пред да се роди детето

И вие и партнерот ќе добивате несакани совети од другите, па важно е да разговарате за овој проблем.

Дискутирајте за вашите ставови и мислења во врска со овие совети и како би сакале да реагирате - дали ќе ги споделувате еден со друг, дали некогаш ќе ги слушате...

Разговарајте со пријателите и семејството

Можеби овој разговор ќе биде непријатен, но ќе ви помогне да ги избегнете конфликтите во иднина.

Кажете им на пријателите и семејството дека доколку сакате совет, ќе ги прашате.

Кога можете, игнорирајте ги советите

Без разлика колку ве иритираат советите што не сте ги побарале, некогаш пробајте да ги игнорирате.

Само насмевнете се и променете ја темата на разговор.

Смислете стратегија за „бегање“

Некогаш луѓето нема да запрат со само еден совет и може да ви зборуваат неколку минути за тоа како треба да се грижите за вашето бебе.

Во ваквите ситуации, слободно излажете дека сте зафатени, дека брзате некаде или нешто слично.

Бидете директни

Некогаш е во ред да бидете и малку дрски ако соговорникот не сфаќа дека треба да престане.

Заблагодарете му се за советот, но речете му дека ќе се грижите за вашето дете според ваши правила.

Заштитете се со партнерот

Веројатно со партнерот (ќе) споделувате кога ќе добиете несакан совет, а ова може да ви го расипе расположението и на двајцата.

Па, можете да направите договор да не ги споделувате несаканите совети што сте ги добиле.

Нормално, не секогаш, но ако забележите дека партнерот не е во добро расположение, премолчете го непријатното искуство.

Не се расправајте со партнерот

Некогаш и несаканите совети може да се покажат како корисни, но не почнувајте караници со партнерот за дали да ги пробате.

Споделете со него што сте слушнале, но немојте да инсистирате да го примените советот ако тој не сака.

Пробајте да направите компромис бидејќи покрај целиот стрес од родителството, сигурно не ви требаат и караници во домот.

Спирова С. | Црнобело