10 работи на кои треба да обрнете внимание во текот на бременоста

На почетокот од бременоста немојте да ја запоставувате физичката активност, редовно одете на заболекар и бидете умерени со кофеинот - на што треба да обрнете внимание, но и за што треба да поразговарате со вашиот лекар, додека сте бремени?

Бременоста е еден од најубавите периоди од животот на секоја мајка. Но, ова е и период исполнет со предизвици.

Додека сте бремени, треба да водите подобра грижа за себе и да ги слушате препораките на вашиот лекар. Немојте да правите ништо без да се консултирате со него, а добро би било да поразговарате и за 10-те теми во продолжение.

На кои работи треба да обрнете внимание додека сте бремени?

Грижа за мускулите

Ако сте бремени, не значи дека сте болни. Редовното вежбање значително ќе го подобри вашето здравје и здравјето на вашето бебе.

Вежбањето може да ги намали и болките во телото, како и вкочанетоста.

Само важно е да не се форсирате, а пред да почнете со вежбање, прашајте го вашиот лекар кои вежби се безбедни за вас.

Секс во текот на бременоста

За прашањата околу сексот во текот на бременоста потребно е да се консултирате со вашиот лекар.

Доколку немате високо ризична бременост или пак не постои шанса за сериозна повреда на вашето неродено бебе, тогаш можете да имате секс.

Без пушење цигари

Пушењето цигари не смее да биде никаква опција во текот на бременоста. Доколку сакате да запалите цигара, сетете се колку може да биде опасно за вашето неродено бебе.

Со секоја нова запалена цигара, го ставате вашето бебе во поголем ризик од нарушен имунитет.

Без џакузи или сауна

Во текот на бременоста мора да ги избегнувате сите места каде се високи температурите. Така што ќе треба да заборавите на уживање во џакузи и сауна, барем додека сте бремени.

Појас за безбедност во автомобилот

Појасот за безбедност е многу важен дел од возењето со автомобил. Во текот на бременоста, мора да внимавате како го поставувате. Всушност, тој мора да е поставен под стомакот, а не преку него.

Продолжува на следната страница...