Мајка на 6 деца ја разбранува јавноста: „Им дозволувам да се тушираат само двапати неделно, нема потреба од повеќе“

„Денови за туширање се само недела и среда. Ако некој навистина мора да се истушира, тогаш може, но сметам дека за децата нема потреба од почесто туширање“, вели мајка на шест деца која ја подели јавноста со нејзиниот начин на воспитување.

Шерон Џонсон е мајка на шест деца, како и инфлуенсерка. На Инстаграм има над 171.000 следбеници, а на ТикТок – повеќе од половина милион.

Шерон најчесто споделува детали од нејзиното секојдневие, како и совети за родители.

Нo, додека повеќето нејзини видеа се добри прифатени, неодамна предизвика лавина реакции со една своја објава.

Во видеото таа открива како се справува со домашните обврски како мајка на шест деца.

Додека повеќето работи што ги сподели ги применуваат скоро сите родители, она што го критикуваат многумина е фактот дека таа им дозволувала на децата да се тушираат само двапати неделно.

„Јас сум мајка на шест деца и ова се дел од работите што ги правиме дома за да го направиме животот малку полесен“, го почнува Шерон своето видео.

Дел од правилата што ги поставила Шерон:

Децата можат да користат технологија само во вторник и четврток, и тоа не повеќе од еден час.

Децата добиваат бакшиш во зависност од нивната возраст. Односно, децата кои се пет години - добиваат пет долари, децата кои се шест години - добиваат шест долари…

Децата не смеат да преспиваат кај другарчиња, а ни во нивниот дом не смеат да преспиваат нивни другарчиња.

Секој е одговорен за две домашни обврски кои треба да си ги завршува во текот на целата година.

Постарите деца се грижат за помалите, но добиваат и пари за тоа.

Децата можат да користат телефон дури откако ќе наполнат 12 години.

И, правилото што го подели мислењето на јавноста – денови за туширање се само недела и среда. Шерон вели дека прави исклучоци ако на некој навистина му треба да се истушира во друг ден, но истакнува дека туширањето двапати неделно е сосема доволно за децата.

Дел од корисниците не гледаат ништо лошо во тоа што децата се бањаат само двапати неделно.

„Кога бев мала, мајка ми ме бањаше еднаш неделно. Тогаш децата се однесуваа добро во јавност, ретко имаа алергии на храна, не беа болни и не трчаа низ дома“.

„Па, не е така лоша идеја, особено со шест деца. Замислете колкава им е сметката за вода“.

„Секојдневното туширање не е здраво за нашите коса и кожа. Најдобро е да се бањате на секои два-три деца со студена вода, наместо секој ден со жешка вода!“

Други не се согласуваат со мајката:

„Искрено, мислев дека сите се бањаат секој ден, додека не ги прочитав коментарите. И, шокиран сум…“

„Во класот на син ми имаше дете кое се бањаше само еднаш неделно и син ми ми кажа дека никој не сакал да седи до него бидејќи мирисал лошо. Можеби правилото е во ред за многу мали деца, но кога ќе пораснат малку, треба да се бањаат повеќе“.

„Јас ги бањав моите деца секој ден. Така бев воспитана, а така ги воспитав и нив“.

„Јас сум најстарото од шест деца, со родителите бевме вкупно осум дома и се туширавме секој ден. Жал ми е за твоите ќерки, што ќе прават кога ќе добијат менструација…“

Погледнете го видеото:

@sharon.a.life

This makes me aound really put together and strict but really we’re just always barely keeping our heads above water, and all of this helps with that! #bigfamilylife #momlife #motherhood #momtips #momsoftiktok

♬ original sound - Sharon.a.life

Што мислите вие – Дали туширањето двапати неделно е сосема доволно за деца или сепак треба многу почесто?

Спирова С. | Црнобело