4 необични синдроми што ги погодуваат туристите, заради кои некои завршуваат и во болница
Знаете ли што е париски синдром? Се смета дека некои познати туристички места предизвикуваат толку силни емоции кај туристите, па тие синдроми добиле и име според местата што најчесто ги предизвикуваат.
Патувањата се поврзуваат со учењето, проширувањето на видиците и збогатувањето на духот, но, некои туристи искусиле и малку полоши емоции од патувањето на некои дестинации.
Ерусалим, Париз, Фиренца, Индија, се места што најчесто предизвикуваат вакви силни емоции, кои што се познати како синдроми.
Во продолжение погледнете кои се симптомите што се поврзуваат со овие синдроми:
Ерусалимски синдром
Ерусалим е еден од најстарите градови во светот и место каде што се спојуваат трите клучни монотеистички религии, а секоја година е место што привлекува голем број туристи што одат на аџилак.
Овој синдром најчесто ги погодува оние туристи што во главниот град на Израел доаѓаат со верски мотиви.
Многумина веруваат дека доаѓањето во овој град кај некои луѓе може да предизвика опсесивни идеи и илузии, па така некои личности може да почнат да се однесуваат како да се „избрани“ да бидат следниот месија. Честопати овие луѓе избираат некој лик од Светите книги и се однесуваат согласно карактеристиките на таа личност.
Првпат бил откриен пред 20-тина години, а годишно се регистрираат околу 100-тина случаи што заболуваат од овој синдром, но истиот не се врзува за одредена религија.
Париски синдром
Овој синдром се јавува кај луѓето што се чувствувале разочарани од доаѓањето во Париз. Луѓето што страдаат од овој синдром доживеале големо разочарување затоа што „градот на љубовта“ не е толку убав како што очекувале.
Сепак, кај луѓето што страдаат од овој синдром не станува збор за обично разочарување, туку за тежок културолошки шок со здравствени симптоми.
Личноста што страда од овој синдром може да има халуцинации или да почувствува екстремна анксиозност и чувство на деперсонализација, проследено со физички симптоми како што се вртоглавици, потење и повраќање.
Првите случаи на хоспитализација заради ваков синдром биле забележани кај туристите од Кина и Јапонија, затоа што во нивните земји Париз бил премногу идеализиран, а наместо да доживеат филмска романтика во главниот град на Франција ги дочекал хаос во сообраќајот и арогантни келнери што по никоја цена не сакаат да говорат англиски јазик.
Уште два синдроми на следната страна...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_106126_400.jpg)
![](https://www.crnobelo.com/media/com_jvrelatives/images/thumbs/com_content_106158_400.jpg)
![](https://www.crnobelo.com/media/com_jvrelatives/images/thumbs/com_content_104701_400.jpg)
![](https://www.crnobelo.com/media/com_jvrelatives/images/thumbs/com_content_110012_400.jpg)
![](https://www.crnobelo.com/media/com_jvrelatives/images/thumbs/com_content_68519_400.jpg)
![](https://www.crnobelo.com/media/com_jvrelatives/images/thumbs/com_content_111390_400.jpg)