Кои се најдобрите, а кои најлошите седишта во авион, според поранешна стјуардеса?

Најдобро избегнувајте ги седиштата на крајот од авионот ако не сакате турбуленции. Седиштата покрај излезот за итни случаи, пак, имаат повеќе простор и се одлични за повисоки лица.

Бет Виндзор од Англија работела како стјуардеса повеќе од десет години, па дефинтивно можеме да научите нешто од неа за овој начин на патување.

За некои патници е многу важно каде седат, особено кога станува збор за долги летови. Па затоа, Бет споделува кои седишта се најдобри, а кои најлоши, во зависност од вашите потреби.

Нејзините совети во продолжение:

Најдобрите седишта во авион

Седишта покрај излезот за итни случаи

Бет вели дека обично за овие седишта се доплаќа повеќе, па голема е веројатноста да нема никој до вас.

Тие се и добар избор за повисоки луѓе бидејќи има повеќе простор за нозете.

Сепак, на овие седишта може да биде постудено, а и патниците кои седат на нив мора да се согласат да помагаат доколку треба да се искористи излезот за итни случаи.

Колони со две седишта

Во некои авиони има колони со по две седишта, а Бет вели дека овој распоред е најудобен за патниците, бидејќи има повеќе простор за сите.

Преден дел

Најголемата придобивка овде е што во голем број авиони, стјуардесите почнуваат да служат пијачки и храна од предниот дел. Што значи, не мора да чекате многу.

Среден дел

Овие седишта се наоѓаат веднаш над крилата на авионот, па овде најмалку се чувствуваат турбуленциите.

Но, Бет истакнува дека овде вревата од моторите на авионот може да биде погласна.

Седиште покрај прозорецот

Бет вели дека таа лично секогаш сака да седи покрај прозор. Овие седишта се добри за луѓе кои се нервозни и анксиозни додека се во авион, бидејќи имаат одличен поглед кој ќе им го одвлекува вниманието.

Покрај тоа, ако седите покрај прозорецот, другите патници нема да ви пречат ако сакаат да станат од нивните седишта.

На следната страница најлошите седишта во авион...