5 грешки кои туристите ги прават во Истанбул

Истанбул е голем град во кој сигурно ќе се заљубите. Но, додека го истражувате овој голем град, има некои грешки што сигурно ќе ги направите, особено ако го посетувате првпат.

Истанбул, град каде Истокот се среќава со Западот, ги премостува континентите и спојува таписерија од историја и култура. Истражувањето на Истанбул значи и потопување во живиот уличен живот во градот.

Раздвижената Капали чаршија, со своите лавиринтски улички и живописни тезги е сетилно преоптоварување со бои, мириси и звуци.

Но, за да бидете сигурни дека патувањето ќе помине добро, ова се грешките што треба да ги избегнувате:

Престој во близната на главните знаменитости

Секогаш е поудобно да останете поблиску до главните знаменитости бидејќи можете лесно да стигнете таму без да трошите голем дел од вашето време и пари.

Сепак, не треба да го правите тоа кога сте во Истанбул бидејќи во овие места најчесто е многу гужва, дури и преку ноќ. Исто така, со тоа што ќе останете поблиску до знаменитостите ќе го пропуштите автентичниот живот на градот.

Наместо да престојувате во Султанахмет зоната, можете да престојувате во Чапа (Çapa), Финд'кзаде (FındıkZade), па оттаму со трамвај/метро да стигнете до познатите туристички места или едноставно да пешачите за да разгледате подобро. Исто така, ако престојувате таму ќе можете многу лесно да стигнете до еден од најшарените делови од градот - Балат.

Шопинг во Истиклал (Таксим)

Разбираме дека шопингот е една од омилените работи што сакате да ги правите додека патувате. Сепак, на познатата улица Истиклал цените се навистина високи.

Може да најдете бројни брендови околу ова место, па можеби ќе ви биде тешко да одолеете.

Но, за да не платите цело богатство, можете да ги посетите поголемите трговски центри во Истанбул каде што цените се пониски и добивате неверојатни артикли.

На пример, ако сте во Таксим, можете многу лесно да стигнете со метро (само 2 станици) до Меџидијекој (Mecidiyekoy) каде што има шопинг центар со пониски цени.

Посета на населбата Тарлабаши

Иако Истанбул е генерално безбеден за туристите, одредени области во градот е најдобро да се избегнуваат. Додека многу од поопасните делови се наоѓаат далеку од туристичките жаришта, областа Тарлабаши е само неколку блока подалеку од популарниот плоштад Таксим и улицата Истиклал.

Иако областа има репутација на една од најопасните во градот, Тарлабаши се менува во последниве години и не е толку небезбеден како некогаш.

Сепак, многу туристи завршуваат во оваа област додека шетаат низ Таксим или соседните улички и сакаат да го истражуваат градот, па најчесто имаат лоши искуства.

Овде сè уште не е невообичаено да наидете на дилери на дрога додека талкате, па ако случајно се изгубите низ улиците околу Таксим, проверете ја мапата добро и препорачуваме да бидете многу внимателни.

Не пробувате од уличната храна

Многумина од вас можеби имаат тенденција да избегнуваат улична храна, сепак, не треба да го правите истото во Истанбул.

Овде, во Истанбул, добивате некои од најдобрите улични јадења што мора да ги пробате. На улиците можете да најдете вкусна храна која ќе ве поштеди од одење во скапи ресторани.

Можете да пробате симит, „кумпир“, сендвич со риба (Balik ekmek) и многу други.

Не внимавате кога се качувате во такси

Една од најважните работи што треба да се избегнуваат во Истанбул е возењето во такси без таксиметар. Иако со такси е полесно да се движите низ градот, може да биде скапо ако неразумно го изберете вашето возење.

Не е невообичаено да наидете на нелегални таксисти во Истанбул, а повеќето од нив ќе ве чинат многу.

Најчесто, возачот може да инсистира да ве однесе некаде со претходно договорена цена со надеж дека не ги знаете цените, само за да ви понуди многу поскапа услуга отколку што всушност би покажал таксиметарот.

Ако веќе решите дека сакате такси, можете да ги користите апликациите BiTaksi или Uber.

M. Г. | Црнобело