Venus Beach Bar - најубавиот бар на плажа во Неи Пори, со совршена храна и коктели (фото)

Преку недела е тивко и мирно, викендите најчесто има диџеј и жива музика, плажата е песочна, персоналот љубезен, храната совршена. Плус, блиску ни е е - во Неи Пори.

Ако патот годинава ве води во некое од летувалиштата под Олимп, особено во близина на Неи Пори, Venus Beach Bar е плажата и барот кој задолжително треба да го посетите.

Плажата е голема и песочна, лежалките удобни, сенка обезбедена со големи сламени чадори, а секогаш може да побарате и чадор повеќе. Во самиот бар има и базен, кој е идеален за сите оние кои сакаат да одморат во мир и тишина.

Венус е еден од најпопуларните барови за млади, но и семејства кои летуваат со години во Неи Пори, особено омилен и кај Македонците кои се сместуваат во околните кампови.

Важи за место каде има најубава храна и коктели.

Што да пробате?

Прашајте за свежа морска храна и ќе добиете совршен лаврак, бранцин, школки, октопод, јастог – подготвени идеално вкусно.

Сопственикот, Костас, секогаш може да ви препорача вино кое ќе биде најдобра комбинација со вашиот оброк.

Додека сте на плажа или покрај базенот уживајте во освежителни алхоколни или безалкохолни коктели (Lemongrass е нашиот фаворит) и овошна салата.

Е. П. | Црнобело / фото: Инстаграм