8 модни детали кои додаваат години (и изгледате постаро од она што сте)

Чизми до под листот на ногата, хулахопки со сјај - некои парчиња облека додаваат години и прават да изгледате повозрасно од она што сте.

Сакате да изгледате младешки, а истовремено и елегантно и модерно? Во желбата да го постигнете тоа, понекогаш добивате сосема спротивен ефект и наместо да делувате помладо од она што сте, вие несвесно си додавате години.

И сето тоа, само поради погрешниот избор на гардероба или модни детали кои ѝ додаваат години на секоја жена, без оглед на нејзината вистинска возраст, па затоа треба да ги избегнувате.

Кои се најчестите грешки што ги прават жените, а кои додаваат години?

Многу класични парчиња во една комбинација

Ако имате поконзервативен стил на облекување, ќе делувате елегантно во секоја комбинација. Но не претерувајте и не комбинирајте сè одеднаш.

На пример, на палто од твид не мора да ставите кошула со машна и бисерно ланче, туку може да изберете поедноставен накит или под палтото да носите едноставна маичка/кошула.

Хулахопки со сјај

Овој тип на хулахопки е „застарен“  и не е во мода - подобро изберете црни или крем мат хулахопки кои делуваат пософистицирано.

„Затворена“ облека

Избегнувајте парчиња кои ве покриваат целосно, од врат до петици (освен ако не носите ролка).

Фустаните или блузите со висока јака и предолги ракави додаваат години - наместо тоа изберете модели со ¾ ракави и повпечатлив отвор на вратот.

Црно од глава до петици

Избегнувајте да комбинирате црна облека од глава до петици (освен ако тоа не е црн фустан).

Додадете малку свежина во изгледот, со барем едно светло парче.

Долг фустан или здолниште

Иако многу жени обожаваат долги фустани или здолништа кои „се влечат“, според стилистите тие додаваат години, па подобро е да изберете пократок модел за да ви се гледаат нозете.

Панталони со ластик

Овој тип на облека најчесто се поврзува со повозрасните жени, ја прикрива половината и не изгледа нималку привлечно.

Затоа е подобро да изберете панталони со широк појас, отколку модел со ластик.

Чорапи кои се гледаат од патиките

Многумина носат високи чорапи на патики дури и во комбинација со кратки панталони.

Но, ова прави ногата да ви делува подебела, „ја сече“ визуелно и додава години на вашиот изглед.

Затоа е препорачливо да изберете кратки чорапчиња кои ќе бидат скриени во патиката.

Чизми до под листот на ногата

Кога купувате чизми, тие нека бидат или кратко до над глуждот или високи.

Чизмите со „чудна“ висина, кои се до под листот на ногата додаваат години и прават да изгледате постаро од тоа што сте.

А. Ј. | Црнобело