Моден водич за мажи: Лекции од Микеле Мороне за да изгледате како италијански заводник

Костум со класичен крој, фармерки кои ја следат линијата на телото. Модниот стил на Микеле Мороне е лекција за сите мажи што сакаат да изгледаат како вистински заводници, самоуверено и со стил.

Италијанскиот актер Микеле Мороне стекна огромна популарност со ликот на дон Масимо во филмот 365 Days на Нетфликс, а важи за голем заводник со беспрекорен стил, кој каде и да се појави привлекува внимание.

Тој денес е заштитно лице на повеќе брендови и учествува во голем број модни кампањи, а во продолжение издвојуваме неколку модни правила со коишто тој се придржува при изборот на облеката и стилот.

Во продолжение преку повеќе фото-примери, ќе се обидеме до кои модни правила се придржува актерот, за да го задржи статусот на секс симбол и заводник:

Класични костуми со добар крој

Во опуштено издание може да го видите само во фармерки и бела маичка, но кога се појавува на црвениот тепих Микеле секогаш избира класични костуми кои ја следат линијата на неговото тело.

Никогаш нема да згрешите ако изберете темносини костуми и во темносива боја.

Може да ги искомбинирате со класична бела кошула или ако сте за „побунтовна“ верзија со обична маичка.

Не треба да изгледате евтино ниту во секојдневните изданија

Дури и во секојдневните изданија, Микеле внимава на изгледот, па носи пантолони или фармерки што ја следат линијата на неговото тело, искомбинирани со едноставни кошули или маички.

За поопуштен изглед може да го искомбинирате со кожена јакна, или, пак со едноставен блејзер.

Модните додатоци не се само за жени

Забележително е дека Микеле секогаш избира мал број на впечатливи модни додатоци.

Впечатлив часовник или едноставна кожена бразлетна се она што најчесто може да се забележи на неговите раце.

Освен тоа, тој секогаш носи очила што му додава доза мистериозност и го надополнува неговиот комплетен стил.

Изберете квалитетни чевли

Понекогаш е доволно да имате само два пара чевли, но тие треба да бидат квалитетни и да изгледаат убаво.

Изберете квалитетни класични чевли за формалните изданија, и чизми за поопуштените излегувања.

Самодовербата е клучна

За крај, мора да се нагласи дека заводливоста на Микеле не е само производ на тоа што го носи, туку и како го носи.

Може да ги имате и најскапите парчиња облека, но пак нема да зрачите со сексапил ако самодовербата ви е на ниско ниво.

Б. С. Б. | Црнобело